| e-texts navigator |
| Wylie |
131a1 བྱའོ། ། དེས་རྣམ་པར་གནོན་པའང་བརྗོད་པར་བྱའོ།། མངལ་གྱི་སྐྱོན་ལས་ཐར་པར་ཡང་བརྗོད་པར་བྱའོ།། མི་སློབ་པའི་ས་ལ་གནས་པས་ཟག་པ་ཟད་པར་ཡང་བརྗོད་པར
131a2 བྱའོ། ། དེ་སངས་རྒྱས་བཅོམ་ལྡན་འདས་ཐམས་ཅད་ཀྱིས་དགོངས་པ་དང་། བྱིན་གྱིས་བརླབས་པར་ཡང་བརྗོད་པར་བྱའོ།། འདོད་ཆགས་དང་བྲལ་བའི་ས་ལ་ཤིན་ཏུ་གནས་པར་ཡང་བརྗོད་པར་བྱའོ།།
131a3 དེ་ནས་བརྒྱ་བྱིན་གཟི་བརྗིད་དྲི་མ་མེད་པ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཅིའི་སླད་དུ་འཚོ་བའི་འཇིག་རྟེན
131a4 འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བགྱིད་ལགས། བཀའ་སྩལ་པ། ལྷའི་དབང་པོ་རྒྱུ་དང་རྐྱེན་གཉིས་ཀྱིས་འཚོ་བའི་འཇིག་རྟེན
131a5 འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བྱེད་དོ།། གཉིས་གང་ཞེ་ན། འདོད་ཆགས་ཀྱི་དབང་དང་། ཁྲོ་བའི་དབང་གིས་དུས་མ་ཡིན
131a6 པའི་སྤྲིན་དག་འབྱུང་བར་བྱེད་ཅིང་། རྫི་ཆར་དང་སེར་དྲག་དག་འབེབས་པར་བྱེད་དོ།། ལྷགས་པ་དང་ཚ་བ་དག་འབྱུང་བར་བྱེད་དོ།། དེས་ན་འདིར་སེམས་ཅན་རྣམས་ས་བོན་དང་། མྱུ་གུ་དང་། འདབ
131a7 མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་དག་ཚིག་པར་བྱེད་དོ།། སྐེམས་པར་བྱེད་དོ།། འབྲུལ་བར་བྱེད་དོ།། མ་རུང་བར་བྱེད་དོ།། དེས་ན་སེམས་ཅན་རྣམས་ལོངས
iiif viewer powered by OpenSeadragon
