| e-texts navigator |
| Wylie |
130b1 བའི་ཚོགས་རྣམས་གཞུག་པར་མི་ནུས། དཔལ་ལྷ་མོ་ཆེན་མོས་གསོལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། སྨོན་ལམ་གྱི་ཁྱད་པར་གྱིས་སངས་རྒྱས་ཀྱི་ཞིང་སྙིགས་མ་ལྔ་དང་ལྡན
130b2 པའི་ཐ་ཆད་དུ་དེ་ལྟ་བུར་སྐྱེ་བ་ལེན་ཅིང་། གྲོགས་དགེ་བའི་བཤེས་གཉེན་འཐུན་པ་དེ་ལྟ་བུ་དག་དང་ཕྲད་པ་ཐོབ་ལགས་སོ།། ད་ལྟར་བདག་ཀྱང་གྲོགས་དགེ་བའི་བཤེས་གཉེན་འཐུན་པ་ཁྱོད་ལྟ་བུ་དང་ཕྲད་པ
130b3 ལགས་སོ། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་དེའི་ལག་ཏུ་ཐོབ་སྟེ། དེའི་ཕ་རོལ་ཏུ་ཕྱིན་པ་དྲུག་ཀྱང་བརྗོད་པར་བགྱི་ལགས་སོ།། བྱང་ཆུབ་སེམས་དཔའ་ཆེན་པོ་དགེ་བའི་བཤེས
130b4 གཉེན་གྱིས་ཡོངས་སུ་ཟིན་པ། བརྩོན་འགྲུས་བརྩམས་པ་ནི། ཐམས་ཅད་མཁྱེན་པའི་ཡེ་ཤེས་ལ་ཤིན་ཏུ་གནས་པར་བལྟ་བར་བགྱི་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དཔལ་མོ།
130b5 གཤེས་ཁྱོད་ཀྱིས་ཇི་སྐད་སྨྲས་པ་དེ་ལྟར་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། སྨོན་ལམ་གྱི་ཁྱད་པར་གྱིས་སེམས་ཅན་ཡོངས་སུ་སྨིན་པར་བྱ་བའི་ཕྱིར། སངས་རྒྱས་ཀྱི་ཞིང
130b6 སྙིགས་མ་ལྔ་དང་ལྡན་པ་ཐམས་ཅད་དུ་དེ་ལྟ་བུར་སྐྱེ་བ་ལེན་ལ། བསྡུ་བའི་དངོས་པོ་བཞི་པོ་དག་ལ་བརྩོན་ཞིང་། དེར་བརྩོན་པ་བརྟན་པ་དང་། བརྩོན་འགྲུས་བརྩམས་པ་ཡིན་ནོ།། གྲོགས་དགེ
130b7 བའི་བཤེས་གཉེན་དེ་ལྟ་བུས་ཡོངས་སུ་ཟིན་པ་ཡིན་ནོ། ། རྣམ་པ་ཐམས་ཅད་མཁྱེན་པའི་ཡེ་ཤེས་དེའི་ལག་ཏུ་ཐོབ་པ་ཡིན་ཏེ། དེའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་ཡང་བརྗོད་པར
iiif viewer powered by OpenSeadragon
