| e-texts navigator |
| Wylie |
129b1 བཙུན་པ་བཅོམ་ལྡན་འདས་ད་ལྟར་བདག་ཅག་ནི་དཀོན་མཆོག་གསུམ་ལ་སེམས་ཤིན་ཏུ་ལེགས་པར་རབ་ཏུ་ཞུགས་པ་ལགས་སོ།། བཙུན་པ་བཅོམ་ལྡན་འདས་ཀྱི་སྤྱན་སྔར་བདག་ཅག་འདི་རྣམས་ཀྱིས་དམ
129b2 བཅའ་བར་བགྱི་བ་ནི། བཙུན་པ་བཅོམ་ལྡན་འདས་ཟོང་དང་། གྲོང་ཁྱེར་དང་། གྲོང་རྡལ་དང་། ལྗོངས་གང་དང་གང་དག་ན། དཔལ་མེ་ཏོག་གསར་པ་ཞེས་བགྱི་བའི་གཟུངས་ཆེན་པོ་འདི་རབ་ཏུ་སྒྲོགས་པ
129b3 དང་། དེ་བཞིན་དུ་གཟུངས་ལྷག་མ་ཆུ་ཁྱིམ་སྙིང་པོ་ཞེས་བགྱི་བ་དང་། མཚོན་ཆའི་སྟོབས་ཞེས་བགྱི་བ་དང་། གདུགས་དང་། རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བ་དང་། ནང་གུ་དཔལ་རྡུལ་ཞེས་བགྱི་བ
129b4 དང་། དཔལ་མེ་ཏོག་གསར་པ་ཞེས་བགྱི་བའི་གཟུངས་ཆེན་པོ་རྣམས་དང་། རྒྱལ་པོ་ཆེན་པོ་བཞིས་བཤད་པའི་གཟུངས་དེ་དག་དང་། ཀླུའི་སྙིང་པོ་བཞི་པོ་དག། གྲོང་དང་། གྲོང་ཁྱེར་དང་། གྲོལ་རྡལ་དང་།
129b5 ལྗོངས་དང་། རི་བྲགས་ཀྱི་གནས་གང་དང་གང་དག་ཏུ་རེ་རེ་ཙམ་ཡང་སྟོན་ཏམ། འཆད་དམ། རབ་ཏུ་སྒྲོགས་པས། དྲན་པར་བགྱིད་པ་དེ་དང་དེ་དག་ཏུ་བདག་ཅག་གིས་དུས་དུས་སུ་ཆར་དབབ་པ་དང་།
129b6 གདུགས་དང་བསེར་མ་དག་གཏང་བར་བགྱི། དུས་མ་ལགས་པར་ནི་མ་ལགས་སོ།། དེ་དང་དེར་བདག་ཅག་གིས་ཕྱིར་དགྲ་དང་། ནང་འཁྲུག་དང་། འཐབ་མོ་དང་། རྩོད་པ་དང་། གནོད་སེམས་དང་། ནད
129b7 དང་། མིངས་དང་། མུ་གེ་དག་རབ་ཏུ་ཞི་བར་བགྱི་ལགས་སོ།། དེ་དང་དེར་བདག་ཅག་གིས་སྐྱིད་པ་དང་། ལོ་ལེགས་པ་དང་། དགའ་བར་འགྱུར་བ་དག་བསྒྲུབ་པར་བགྱི་ལགས་སོ།། དེ་དང་དེར་སེམས
iiif viewer powered by OpenSeadragon
