| e-texts navigator |
| Wylie |
129a1 བར་འགྱུར་ཏེ། ཆར་གྱི་རྒྱུན་ཆེན་པོའང་འབེབས་པར་བྱེད་དོ།། དེའི་ཚེ་ཡུལ་དེར་འདུས་པའི་ཀླུ་དང་། ཀླུ་ཆེན་པོ་རྣམས་ཀྱིས་དཔལ་མེ་ཏོག་གསར་པ་ཞེས་བྱ་བའི་གཟུངས་ཆེན་པོ
129a2 འདི་ཐོས་ནས། སེམས་རངས་པ་དང་། སྡང་སེམས་མེད་པ་དང་། སེམས་རབ་ཏུ་དགའ་བ་དང་། སེམས་བྱམས་པ་དང་ལྡན་པ་དང་། སེམས་འཇིག་རྟེན་ཕ་རོལ་ལ་ལྟ་བར་གནས་པར་གྱུར་ཏོ།། སེམས
129a3 དཀོན་མཆོག་གསུམ་ལ་དད་ཅིང་། བཀུར་སྟི་དང་། བླ་མར་བྱེད་པ་དང་། རི་མོར་བྱེད་པ་དག་ཐོབ་པར་གྱུར་ཏོ།། སེམས་དུད་འགྲོར་སྐྱེ་བའི་རང་གི་སྡིག་པའི་ལས་དག་རབ་ཏུ་འཆགས་པ་དང་། སེམས
129a4 ཐེག་པ་ཆེན་པོ་བླ་ན་མེད་པ་ལ་འཇུག་པར་གནས་པར་གྱུར་ཏོ། ། ཀླུ་དང་། ཀླུ་ཆེན་པོ་དེ་དག་ཐམས་ཅད་ཀྱི་ནང་ནས་མཐུ་ཅི་ཡོད་པ་དང་། ཅི་ནུས་པ་དག་གིས། དེ་ན་བཅོམ་ལྡན་འདས་ལ་མཆོད་པ་བྱ་བའི་ཕྱིར།
129a5 ཁ་ཅིག་ནི་གསེར་མང་པོའི་ཆར་མངོན་པར་འབེབས་སོ།། ཁ་ཅིག་ནི་དངུལ་དང་། ཨ་ཀ་རུ་དང་། རྒྱ་སྤོས་དང་། གོར་ཤིར་ཤ་དང་། ཙན་དན་སྦྲུལ་གྱི་སྙིང་པོའི་ཕྱེ་མ་དང་། ཏ་མ་ལའི་ལོ་མའི་ཆར་དག་མངོན
129a6 པར་འབེབས་པ་ནས། ཁ་ཅིག་ནི་ཨུཏྤ་ལ་དང་། མེ་ཏོག་སྣ་ཚོགས་དང་། རས་བཅོས་བུ་སྣ་ཚོགས་དང་། གདུགས་དང་། རྒྱལ་མཚན་དང་། བ་དན་སྣ་ཚོགས་དང་། གསེར་སྐུད་དང་། མུ་ཏིག་གི་དོལ་ཤལ
129a7 གྱི་བར་དག་གི་ཆར་མངོན་པར་འབེབས་སོ། ། དེ་ནས་ཀླུ་དང་། ཀླུ་ཆེན་པོ་དེ་དག་ཐམས་ཅད་ཀྱིས་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། ཚིག་འཐུན་པར་འདི་སྐད་ཅེས་གསོལ་ཏེ།
iiif viewer powered by OpenSeadragon
