| e-texts navigator |
| Wylie |
127b1 ནབ་ཀུ་མུན་ཌེ། རཱ་ཛ་བར་མེ། ཙཱ་ཊ་ན་བ། བ་མ་ཊེ། བིཥྚ་ལང་གེ། ཨ་བ་བྷ་སུ་ནེ། ཧཱ་ས་ག་བྷ་ཀྲེ། ལོ་མ་བྷུ་ཛ་ཀྲེ། གམ་བྷཻ་ར། བ་སུ་མེ། ཨ་ནོ་མ་ཡ། ས་རེ། པཱ་ལཱ་ཤ་ཏྭོ་ཡེ་སྭཱཧཱ། བཙུནྡ་པ
127b2 བཅོམ་ལྡན་འདས་ནང་གུ་དཔལ་རྡུལ་ཞེས་བགྱི་བའི་གཟུངས་ཆེན་པོ་འདི་རྒྱལ་མཚན་གྱི་རྩེ་མོ་ལ་བཏགས་ཏེ་སྒྲེང་བར་བགྱིད་དམ། སྐད་ཆེན་པོར་ཀློག་གམ། གསང་སྔགས་ཀྱི་ཚིག་འདི་ཆུ་ལ་ལེན་སྟོང་གི་བར
127b3 དུ་བཟླས་བརྗོད་བགྱིས་ནས། ཞིང་དང་། ཤིང་དང་། ལོ་ཏོག་སྣ་ཚོགས་ལ་གཏོར་ཏམ། རྔ་དང་། རྫ་རྔ་དང་། དུང་དག་ལ་བསྔགས་ནས། དེ་དག་གི་སྒྲ་གང་དུ་ཐོས་པའི་ལོ་མ་དང་། མེ་ཏོག་དང
127b4 འབྲས་བུ་དང་། འབྲུ་དང་། སྨན་གྱི་རོ་དང་། ས་ལ་རྟེན་པའི་ལོ་ཏོག་ཐམས་ཅད་སེམས་ཅན་རྣམས་ཀྱི་སྔོན་གྱི་ལས་ཀྱི་སྒྲིབ་པའི་རྒྱུ་ལས་མ་གཏོགས་པར། ལྷ་དང་། ཀླུ་དང་། གནོད་སྦྱིན་དང་། ཡི
127b5 དགས་མཐུ་བོ་ཆེ་དང་། བདུད་དང་། བདུད་ཀྱི་བུ་དང་། བདུད་ཀྱི་འཁོར་གྱི་ཚོགས་གང་གིས་ཀྱང་གནོད་པར་བགྱི་བ་འམ། ཆུང་གསན་པ་འམ། ཚིག་པར་བགྱི་བ་འམ། བསྐམ་པ་འམ། མདངས
127b6 འཕྲོག་པ་འམ། མཐུ་ཆུང་བར་བགྱི་བ་འམ། མ་མཆིས་པར་བགྱི་བ་དག་ཏུ་རྔོ་མི་ཐོགས་ན། སེམས་ཅན་དང་། སེམས་ཅན་གྱི་གྲངས་སུ་གཏོགས་པ་གཞན་དག་གིས་ལྟ་སྨོས་ཀྱང་ཅི་འཚལ། དེ་ནས
127b7 བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་དེ་ལ་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་ཁྱོད་གླིང་བཞི་པ་འདིར་སྦྱིན་པ་ཆེན་པོའི་དཔལ་གྱི་ཤིང་རྟ་ལ་ཞོན་ནས། རིགས་ཀྱི་བུ་འདིར་བླ
iiif viewer powered by OpenSeadragon
