| e-texts navigator |
| Wylie |
127a1 འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་བདག་གིས་ཀྱང་གླིང་བཞི་པ་འདིའི་མེ་ཏོག་དང་། འབྲས་བུ་དང་། ཤིང་དང་། འབྲུ་དང་། སྨན་དང་། ལོ་ཏོག་དག
127a2 བསྲུང་བར་འཚལ་ལོ། ། སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དང་། རྩཝ་དང་། འདབ་མ་དང་། ལོ་མ་ས་ལ་རྟེན་པ་རྣམས་བསྲུང་བར་འཚལ་ལོ།། བཅོམ་ལྡན་འདས་ནང་གུ་དཔལ་རྡུལ
127a3 ཞེས་བགྱི་བའི་གཟུངས་ཆེན་པོ་དེ་ད་ལྟར་འདིར་གླིང་བཞི་པ་དེ་དག་གིས་སྔོན་མ་ཐོས་མ་མཐོང་བས་འདི་ལྟར་ངོ་མཚར་རྨད་དུ་བྱུང་བར་གྱུར་ཏེ། འདུས་པ་ཆེན་པོ་དེ་ལྟ་བུ་དག་བྱུང་བར་བགྱིས་ལགས་སོ།།
127a4 ནང་གུ་དཔལ་རྡུལ་ཞེས་བྱ་བའི་གཟུངས་ཆེན་པོ་འདི་ནི་མཐུ་ཆེ་བས་ལོ་ཏོག་ཐམས་ཅད་འཕེལ་བར་བགྱིད་པ་ལགས་སོ།། ས་བོན་དང་། མྱུ་གུ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས
127a5 བུ་དང་། ཤིང་དང་། འབྲུ་དང་། སྨན་དང་། རོ་རྣམས་སྐྱེད་པར་བགྱིད་པ་དང་། འཕེལ་བར་བགྱིད་པ་དང་། སྣུམ་མཆིས་པར་བགྱིད་པ་དང་། འཇམ་པར་བགྱིད་པ་དང་། མང་པོར་བགྱིད་པ་ལགས་སོ།། །
127a6 སེམས་ཅན་ཐམས་ཅད་དད་པར་བགྱིད་པ་དང་། ཚུལ་ཁྲིམས་ཅན་དུ་བགྱིད་པ་དང་། ཐོས་པར་བགྱིད་པ་དང་། ཤེས་པར་བགྱིད་པ་དང་། བྱམས་པ་དང་། སྙིང་རྗེ་ཅན་དུ་བགྱིད་པ་དང་། ཐབས་དང་ལྡན
127a7 པར་བགྱིད་པ་ནས། བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་ཀྱི་བར་དུ་སྟོན་པར་བགྱིད་པ་ལགས་སོ།། ཏདྱ་ཐཱ། ཨ་ན་ནྱ་བྷུ་མི། གཱ་བཱ་ཀྐ་བྷ~ཾ་ཛེ། གུ་ལོ་ཙ་ལོ་མེ། ཕཊ་ཀཱ་ལོ་མེ། ཤྲི་ཡཱ་ཀྲ། ཀུ་སུ་མེ།
iiif viewer powered by OpenSeadragon
