| e-texts navigator |
| Wylie |
125b1 སྲབས་པར་འགྱུར་རོ། ། རྒྱ་མཚོའི་ཤུན་པ་མན་ཛ་ན་ལ་གསང་སྔགས་ཀྱི་ཚིག་འདི་ལན་འབུམ་བཟླས་བརྗོད་བགྱིས་ནས། རྒྱལ་རིགས་ཀྱི་རྔ་ལ་བསྐུས་ནས། རྔ་དེའི་སྒྲ་གང་དང་གང་གི་རྔ་རྣ་ལམ་དུ་གྲགས་པ
125b2 དེ་དང་དེའི་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན་མོངས་པ་རྣམས་སྲབས་པར་འགྱུར་རོ།། དེ་དང་དེ་དག་བཅོམ་ལྡན་འདས་ཀྱི་བསྟན་པ་ལ་ཤིན་ཏུ་དཀའ་ཞིང་བཀུར་སྟི་དང་།
125b3 བླ་མར་བྱེད་པ་དང་། རི་མོར་བྱེད་པ་དག་རབ་ཏུ་འཐོབ་པར་འགྱུར་རོ།། ཆོས་ཀྱི་རྗེས་སུ་འབྲང་བས་འཇུག་པར་འགྱུར་རོ།། འཇིག་རྟེན་ཕ་རོལ་ལྟ་བ་དང་། ལོངས་སྤྱོད་དང་། ཡོངས་སུ་སྤྱོད་པ་དང་མི
125b4 འབྲལ་ལ། སེམས་ཅན་ཐམས་ཅད་ཀྱི་མིག་ཏུ་འོང་བ་དང་། སྙིང་དུ་སྡུག་པར་འགྱུར་རོ།། ཏདྱ་ཐཱ། པཱུརྦ་མ་གྷ། ཨཱ་མ་ལོ་མ་ཏི། ཀྲིད་ཏི་ལ། བྷཱུ་བཻ། པ་ན་ཁན་ཌེའི་དུར་མ་ཁི་ལེའི། མང་ས་ཏཱུ་ལེའཾ
125b5 གོའུ་ར་ས་ན་དྷེའི་ན་ཀཱུ་བ་ར་མེའི། བུདྡྷ་རཤྨིའི་པིང་ག་ལེའི་གྷྲི་མེ། ལོ་ཧི་ཏ་ར་བི། ནང་ག་ལ་སཱུརྱེ། བྷ་ག་བ་རི་ཎེ། ཨ་ན་དྷར་པ་ཨུ་རེ། ཀ་ར་ཧཱུ་ཛེ། ཀེ་ཤ་ལོ་ཧི། ས་མ་དྷཾ། བྷུ་དྷ་སྭཱ་ཧཱ། དེ་ནས་དེ་ཉིད་དུ
125b6 བཅོམ་ལྡན་འདས་ཀྱིས་ལེགས་སོ་ཞེས་བྱ་བ་གནང་ངོ་། ། ཐམས་ཅད་དང་ལྡན་པའི་འཁོར་དེས་ཀྱང་ལེགས་སོ་ཞེས་བྱ་བ་བྱིན་ནོ།། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པས
125b7 འདི་སྐད་ཅེས་གསོལ་ཏོ། ། བདག་གིས་དེ་བཞིན་གཤེགས་པ་ཐམས་ཅད་ཀྱི་གསུང་དབྱངས་དང་སྒྲ་རྗོད་པར་བགྱིད་པ། གདུགས་དང་རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བའི་གཟུངས་ཆེན་པོ་དེ
iiif viewer powered by OpenSeadragon
