| e-texts navigator |
| Wylie |
123b1 པ་རྣམས་བཅོམ་ལྡན་འདས་དང་། ཆོས་དང་། དགེ་འདུན་དང་། འཕགས་པ་དགྱེས་པའི་ཚུལ་ཁྲིམས་དག་ལ་དགའ་ཞིང་། དད་པ་དང་། བཀུར་སྟི་དང་། བླ་མར་བགྱིད་པ་དང་། རི་མོ་བགྱིད
123b2 པ་དང་། བྱང་ཆུབ་རྣམ་གསུམ་གང་ཡང་རུང་བ་དག་ལ་རབ་ཏུ་ཞུགས་པ། བཅོམ་ལྡན་འདས་ཀྱི་ཉན་ཐོས་སྦྱིན་གནས་དེ་ལྟ་བུ་དག་གནས་ཤིང་མཆིས་པ་དེ་དང་དེར་བདག་ཅག་ཡིད་ཀྱིས་དགའ་ཞིང་དང
123b3 དང་། བཀུར་སྟི་དང་། བླ་མར་བགྱི་བ་དང་། རི་མོ་དག་གིས་གནས་པར་བགྱི་ལགས་སོ།། ཡུལ་འཁོར་དེ་དང་། དེའི་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲག་དེར་བདག་གི་འཁོར
123b4 ཀླུ་དང་། ཀླུ་མོ་དང་། ཀླུ་རྒན་པོ་དང་། ཀླུ་རྒན་མོ་དང་། ཀླུའི་བུ་དང་། ཀླུའི་བུ་མོ་དང་། ཀླུའི་འཁོར་དང་། ཀླུའི་འཁོར་མོ་དག་དུས་མ་ལགས་པར་རྫི་ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད
123b5 དམ། ལྷག་མི་ཆེ་དང་། ཤིན་ཏུ་ཚ་བ་དག་འབྱུང་བར་བགྱིད་དམ། སེམས་ཅན་ནམཱལ་ལོ་ཏོག་དང་། ལོ་མ་དང་། མེ་ཏོག་དང་འབྲས་བུ་དང་། འབྲུ་དང་། སྨན་གྱི་རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ
123b6 བར་བགྱིད་ན། ཀླུ་དེ་དག་གིས་བདག་བསླུས་པས། དེ་དག་ཐམས་ཅད་ཀྱི་ལུས་འཁུམས་པར་གྱུར་ཅིག། དེ་དག་རྫུ་འཕྲུལ་ཉམས་ནས་འགྲོ་མི་ནུས་པར་གྱུར་ཅིག། རིམས་ནད་ཀྱིས་ཀུན་ཏུ་གདུངས
123b7 པར་གྱུར་ཅིག། དབང་པོ་ཐམས་ཅད་ཚང་བར་མ་གྱུར་ཅིག། ལོངས་སྤྱོད་དང་། ཡོངས་སུ་སྤྱོད་པ་ཐམས་ཅད་དང་བྲལ་བར་གྱུར་ཅིག། ལས་བྱེད་མི་ནུས་པར་གྱུར་ཅིག། ཏདྱ་ཐཱ། བུད་དྷ་ཛ་ཡེ།
iiif viewer powered by OpenSeadragon
