| e-texts navigator |
| Wylie |
123a1 བདག་ཅག་ལ་ངོ་ཚ་ཤེས་པ་དང་། ཁྲེལ་ཡོད་པའི་གོས་བསྐོན་ལགས་སོ།། བྱང་ཆུབ་ཀྱི་ཕྱོགས་སུམ་ཅུ་རྩ་བདུན་གྱི་འཕྲེང་བས་བཅིངས་ལགས་སོ།། བདག་ཅག་གི་སེམས
123a2 དང་། ཡིད་དང་། རྣམ་པར་ཤེས་པ་དག་བཟོད་པ་དང་། གཟུངས་དང་། ས་རྣམ་པ་སྣ་ཚོགས་ཀྱིས་ལེགས་པར་བརྒྱན་ལགས་སོ།། ཐེག་པ་ཆེན་པོའི་ཤིང་རྟ་དག་གིས་བཏེག་ལགས་སོ།། གང་ན་སངས
123a3 རྒྱས་ཀྱི་ཞིང་སྙིགས་མ་ལྔ་དང་བྲལ་བ་ཤིན་ཏུ་ཡོངས་སུ་དག་པར་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་ཚོགས་ཡོངས་སུ་དག་པས་བསྐོར་ནས། ཐེག་པ་ཆེན་པོའི་ཆོས་ཀྱི་གཏམ་དག
123a4 སྟོན་པ་དེར་བདག་ཅག་མཆི་ལགས་སོ། ། དེ་ཅིའི་སླད་དུ་ཞེ་ན། ད་ལྟར་བདག་ཅག་བཅོམ་ལྡན་འདས་ཀྱི་བཀའ་ལ་བཀུར་སྟི་བགྱིད་ཅིང་འཛིན་པར་བགྱིད་ལགས་སོ།། དེ་ལྟ་ལགས་པས་བདག་ཅག
123a5 འཁོར་དང་བཅས་པ་བཅོམ་ལྡན་འདས་ཀྱི་བཀའ་ལ་ཤིན་ཏུ་གནས་པར་བགྱིད་ལགས་སོ། ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་ཀྱི་གནས་གང་དང་གང་ན།། སེམས
123a6 ཅན་ཉན་ཐོས་ཀྱི་ཐེག་པ་པ་དང་། རང་སངས་རྒྱས་ཀྱི་ཐེག་པ་པ་དང་།། ཐེག་པ་ཆེན་པོ་པ་དག་ཁྱིམ་ན་གནས་པ་འམ། རབ་ཏུ་བྱུང་བ་འམ། ཚུལ་ཁྲིམས་དང་ལྡན་པ་འམ། ཚུལ་ཁྲིམས་འཆལ་པ་འམ།
123a7 ཐོས་པ་མང་བ་འམ། ཐོས་པ་ཉུང་བ་འམ། བརྩོན་འགྲུས་བརྩམས་པ་འམ། ལེ་ལོ་ཅན་ནམ། མཉམ་པར་གཞག་པ་འམ། མཉམ་པར་མ་གཞག་པ་འམ། དྲན་པ་དང་ལྡན་པ་དང་། དྲན་པཉ
iiif viewer powered by OpenSeadragon
