| e-texts navigator |
| Wylie |
122b1 དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བ་དག་ལགས་སོ།། བཙུན་པ་བཅོམ་ལྡན་འདས་ད་ལྟར་དང་། མ་འོངས་པའི་དུས་སུ་རྒྱལ་རིགས་གདོལ་པ་དེ་དག་གིས་རྒྱལ་རིགས་ཀྱི་ཆོས་སྤངས་ནས། དམངས་རིགས།།
122b2 ཀྱི་ཆོས་རྣམས་སྤྱོད་པར་བགྱིད་དེ། སེམས་ཅན་དམྱལ་བ་མནར་མ་མཆིས་པའི་བར་དག་ལ་གཞོལ་བ་ལགས་སོ།། རྒྱལ་རིགས་གདོལ་པ་དེ་དག་གི་སྐྱོན་གྱིས་ཀླུ་རྣམས་མ་ནོངས་བཞིན་དུ་གྲགས་པ་མ་ལགས།
122b3 པས་གོས་པར་འགྱུར་ལགས་སོ།། རྒྱུ་དེས་ན་ཀླུ་རྣམས་ལས་ཀྱི་སྒྲིབ་པ་དག་པར་བགྱིད་པར་འགྱུར་ལགས་སོ།། དེ་ལྟ་ལགས་པས་བདག་ཅག་གིས་ནི་བཅོམ་ལྡན་འདས་ཀྱི་བཀའ་ལ་བཀུར་སྟི་བགྱི་ཞིང
122b4 གཟུང་བར་བགྱི་སྟེ། དཔེར་བགྱི་ན། འཁོར་ལོས་སྒྱུར་བའི་རྒྱལ་པོ་དེས་ཡུལ་གྱི་བུད་མེད་བཟང་མོ་ཁྲུས་ལེགས་པར་བགྱིས་ཏེ། སྤོས་ཀྱིས་བྱུགས་ནས། གོས་མཆོག་ཏུ་བཟང་བ་བསྐོན་ཏེ། ཡན་ལག་གི
122b5 དམ་པ་མགོ་ལ་རིན་པོ་ཆེ་སྣ་བདུན་ལས་གྲུབ་པའི་འཕྲེང་བ་མང་པོ་དག་བཏགས་ཤིང་དཔུང་རྒྱན་དང་། སེར་སྐུད་དང་། སོར་གདུབ་དང་། ལག་རྒྱན་དང་། རྐང་རྒྱན་དག་གིས་བརྒྱན་ནས། གླང་པོ་ཆེའི
122b6 བཞོན་པ་ལ་ཞོན་ཏེ། འཁོར་ཕལ་མོ་ཆེ་དང་ལྷན་ཅིག་ཁྲིད་པ་དེ་བཞིན་དུ། ད་ལྟར་འཁོར་ལོས་སྒྱུར་བའི་རྒྱལ་པོ་ཆོས་དང་ལྡན་པ་དེ་བཞིན་གཤེགས་པས་ཀྱང་བདག་ཅག་ཀླུ་རྣམས་དུད་འགྲོའི་སྐྱེ་གནས་སུ
122b7 བསྡུས་པའི་ལུས་མ་སྣང་མ་ཉམས་ལ། མཆོག་ཏུ་ཁྲོ་བ་དང་། ང་རྒྱལ་དང་། དྲེགས་པའི་དྲི་མས་བསྒོས་པ་བདག་ཅག་ཀླུ་ཐམས་ཅད་རྒྱགས་པས་མྱོས་པ་མ་མཆིས་པའི་ཆོས་ཀྱི་ཆུས་བཀྲུས་ལགས་སོ།།
iiif viewer powered by OpenSeadragon
