| e-texts navigator |
| Wylie |
121b1 འཚལ་ན། དྲི་མི་བདའ་བར་འགྱུར་བ་དེ་བཞིན་དུ། བཙུན་པ་བཅོམ་ལྡན་འདས་རྒྱལ་རིགས་གདོལ་པ་བརྣབ་མོས་ཀྱང་ཡུལ་ཕྱོགས་ཐམས་ཅད་སྲུང་བ་དག་ཁྲོས་པར་འགྱུར་ཏེ། ཡུལ་འཁོར་དེ་མ་རུང་བར་བགྱིད
121b2 ལགས་སོ། ། ཀླུ་རྣམས་ཀྱང་གྲགས་པ་མ་ལགས་པས་གོས་པར་འགྱུར་ལགས་སོ།། ། བམ་པོ་གསུམ་པ་སྟེ་ཐ་མའོ།། ། ཡང་ན་ཀླུ་ཐམས་ཅད་བདག་གིས
121b3 བསླབ་པ་ལས་མི་འདའ་བར་བདག་གིས་ལུང་དབྲོག་པར་བགྱི་སྟེ། ཡུལ་འཁོར་གང་དང་གང་དག་ན་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་ཀྱི་གནས་ཡུལ་འཁོར་དེ་ན། ད་ལྟར་དང་ན
121b4 འོངས་པའི་དུས་སུ། བཅོམ་ལྡན་འདས་ཀྱི་ཉན་ཐོས་ཚུལ་ཁྲིམས་དང་ལྡན་ཞིང་། ཐོས་པ་མང་པོ་སྦྱིན་གནས་དེ་ལྟ་བུ་དག་གནས་ཤིང་མཆིས་པ་དེར། བདག་གི་འཁོར་གང་དག་ཀླུ་དང་། ཀླུ་མོ་དང་། ཀླུ་རྒན།
121b5 པོ་དང་། ཀླུ་རྒན་མོ་དང་། ཀླུའི་བུ་དང་། ཀླུའི་བུ་མོ་དང་། ཀླུའི་འཁོར་དང་། ཀླུའི་འཁོར་མོ་སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བ་དག་དུས་མ་ལགས
121b6 པར་རྫི་ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད་དམ། ལྷགས་མོ་ཆེ་དང་། ཤིན་ཏུ་ཚ་བ་དང་། ཉི་མས་གདུངས་པ་དག་འབྱུང་བར་བགྱིད་དམ། སེམས་ཅན་རྣམས་ཀྱི
121b7 ལོ་ཏོག་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ་བར་བགྱིད་ན། ཀླུ་དེ་དག་གིས་བདག་བསླུས་པས། དེའི་ལུས་ཐམས
iiif viewer powered by OpenSeadragon
