| e-texts navigator |
| Wylie |
121a1 ལེགས་སོ་ཞེས་བྱ་བ་བྱིན་ནོ། ། དེ་ཉིད་ཀྱི་ཚེ་ཐམས་ཅད་དང་ལྡན་པའི་འཁོར་རྣམས་ཤུགས་དྲག་པོར་འཁྲུགས་ཤིང་སྔངས་པར་གྱུར་ཏོ།། དེའི་ཚེ་ཀླུའི་རྒྱལ་པོ་དགའ་བོ་དང་། བསྙེན
121a2 དགའ་བོ་གཉིས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ད་ལྟར་དང་མ་འོངས་པའི་དུས་སུ། རྒྱལ་རིགས
121a3 གདོལ་པ་དེ་དག་གཞན་ལ་སྦྱིན་པར་མ་དད་ཅིང་། བདག་ཉིད་ལོངས་སྤྱོད་པར་འཚལ་ལ། འཇུངས་པ་ལོངས་སྤྱོད་ལ་སེམས་ཀུན་ཏུ་འཛིན་ཅིང་ལག་མི་སྐྱོང་བས། དགེ་སྦྱོང་དང་། བྲམ་ཟེ་དང་། བཀྲེན་པ
121a4 དང་། འཕོངས་པ་དང་། འགྲོན་པོ་སློང་བ་རྣམས་ཀུན་ནས་ཚིམ་པར་མི་བགྱིད་ལགས་སོ།། ཕོ་བྲང་འཁོར་དང་། ལྗོངས་ཀྱི་མི་དང་། འཁོར་རྣམས་ཡང་དག་པའི་བདེ་བས་ཚིམ་པར་མི་བགྱིད་ལགས་སོ།།
121a5 རྒྱལ་རིགས་གདོལ་པ་དེ་དག་ལ་ཡུལ་ཕྱོགས་སྲུང་བའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། ཡི་དགས་མཐུ་བོ་ཆེ་དེ་དག་ཐམས་ཅད་ཀྱང་ཁྲོས་པར་གྱུར་ཏེ། དེ་དག་གི་ཡུལ
121a6 འཁོར་དུ་འཐབ་མོ་དང་། རྩོད་པ་དང་། མུ་གེ་དང་། ནད་དང་། ཕ་རོལ་གྱི་དམག་ཚོགས་དག་ཀུན་ཏུ་འབྱུང་བར་བགྱིད་ལགས་སོ།། འབྲུ་དང་སྨན་གྱི་བར་གྱི་རོ་རྣམས་མ་རུང་བར་བགྱིད་ཀྱང་། དེ་ན་ཀླུ་དང་། ཀླུ་ཆེན
121a7 པོ་རྣམས་ལ་སྐྱོན་ནི་མ་མཆིས་ལགས་ཏེ། དེ་ན་ཀླུ་རྣམས་རྒྱུ་དེས་ན་གྲགས་པ་མ་ལགས་པས་ནི་གོས་པར་འགྱུར་ལགས་སོ།། བཙུན་པ་བཅོམ་ལྡན་འདས་དཔེར་བགྱི་ན། ཕྱིས་ཁུང་གི་དྲི་མི་འདའ་བ་བསེར་མས
iiif viewer powered by OpenSeadragon
