| e-texts navigator |
| Wylie |
119b1 ཉོན་མོངས་པས་ཀུན་ནས་གདུངས་པ་རྣམས་ཀྱི་ཟླ་བ་ལགས་སོ།། ལྟ་བ་ངན་པར་ལྷུང་བ་རྣམས་ཀྱི་ཉི་མ་ལགས་སོ།། ཡེ་ཤེས་ཀྱི་རྒྱ་མཚོ་ལགས་སོ།། བྱང་ཆུབ་ཀྱི་ཕྱོགས་པ་རྣམས་ཀྱི་འཕྲེང་བར་གྱུར་པ
119b2 ལགས་སོ། ། ཐམས་ཅད་མཁྱེན་པའི་ཡེ་ཤེས་ཀྱི་བུམ་པ་བཟང་པོ་ལགས་སོ།། ཆོས་གོས་ངུར་སྨྲིག་འདི་ནི་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བ་ལགས་སོ།། ཆོས་གོས་ངུར་སྨྲིག་འདི་ནི་སེམས་ཅན
119b3 རྣམས་ལ་ཆོས་ཀྱི་ཆར་བབ་པའི་དོན་གྱི་སླད་དུ། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ལགས་སོ།། བཙུན་པ་བཅོམ་ལྡན་འདས་འདི་ལྟར་གང་དག་རྒྱལ་རིགས་གདོལ་པ་དེ་དག་ནི་བཅོམ་ལྡན
119b4 འདས་ཀྱི་བསྟན་པ་འཇིག་པར་བགྱིད་ཅིང་། དགེ་སློང་དག་ལ་མཐོ་འཚམ་པར་བགྱིད་པ་ནས། བཅོམ་ལྡན་འདས་ཀྱི་སླད་དུ་རབ་ཏུ་བྱུང་བ་སྣོད་དུ་གྱུར་པ་དང་། སྣོད་དུ་མ་གྱུར་པའི་ལུས་ལ་གནོད་པ་བགྱིད
119b5 པ་དང་། ནོར་འཕྲོག་པ་དང་། སྲོག་གི་བར་ཆད་དག་བགྱིད་པའི་བར་དུའོ།། ཡུལ་འཁོར་དེར་གང་དག་སངས་རྒྱས་ལ་དད་པའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ
119b6 བུམ་དང་། ཡི་དགས་མཐུ་བོ་ཆེ་དེ་དག་ཐམས་ཅད་ཀྱང་རྒྱལ་རིགས་གདོལ་པ་ལ་གཤེ་བར་གྱུར་ཏེ། དེ་དག་གིས་དེའི་ཡུལ་འཁོར་དུ་འཐབ་མོ་དང་། རྩོད་པ་དང་། ལོ་ཉེས་དང་། ནད་དང་། ཕ་རོལ་གྱི་དམག
119b7 ཚོགས་དག་འབྱུང་བར་བགྱིད་ལགས་སོ། ། དུས་མ་ལགས་པའི་ཆར་མོ་ཆེ་དང་། ཐན་ཆེན་དང་། ལྷགས་པ་དང་། ཚ་བ་དང་། རླུང་དང་། ཉི་མས་གདུངས་པ་དག་གིས་ས་བོན་དང་། མྱུ་གུ་དང་།
iiif viewer powered by OpenSeadragon
