| e-texts navigator |
| Wylie |
119a1 ཡུལ་འཁོར་དང་བཅས་པར་བསྲུང་བར་བགྱི་ལགས་སོ། ། ཡོངས་སུ་བསྐྱང་བར་བགྱི་ལགས་སོ།། དེའི་ཡུལ་ཕྱོགས་ན། རྩོད་པའི་རྙོག་པ་ཐམས་ཅད་དང་། སོ་སོའི་འཁོར་དག
119a2 སྔར་ཇི་སྐད་བསྟན་པ་བཞིན་བསྐྲད་པར་བགྱི་ལགས་སོ། ། དེ་ཅིའི་སླད་དུ་ཞེ་ན། ཆོས་གོས་ངུར་སྨྲིག་ཁ་བསྒྱུར་བ་འདི་ནི། སྔོན་གྱི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བྱིན་གྱིས་བརླབས་པ་ལགས།
119a3 སོ།། བྱང་ཆུབ་སེམས་དཔའ་རྣམས་ཀྱི་རྒྱལ་མཚན་ལགས་སོ།། མྱ་ངན་ལས་འདས་པར་མཆེ་བ་རྣམས་ཀྱི་ལམ་ལགས་སོ།། ཉོན་མོངས་པ་རྣམས་ཀྱི་རལ་གྲི་ལགས་སོ།། མྱ་ངན་ལས་འདས་པའི
119a4 ས་བོན་ལགས་སོ། ། ལམ་ལས་རབ་ཏུ་ཉམས་པ་རྣམས་ཀྱི་སྒྲོན་མ་ལགས་སོ།། ཕུང་པོ་རྣམས་ཀྱི་སྨན་ལགས་སོ།། མ་རིག་པའི་མུན་པའི་རླུང་ལགས་སོ།། ངན་འགྲོ་རྣམས་ཀྱི་སྲོག་ཤིང་ལགས་སོ།།
119a5 ཉོན་མོངས་པའི་སྐྱོན་གྱིས་ཉམས་པར་གྱུར་པ་རྣམས་ཀྱི་སྒྱུག་སྨན་ལགས་སོ།། དམ་རྣམས་ཀྱི་རྡོ་རྗེ་ལགས་སོ།། དགེ་བའི་རྩ་བ་ཐམས་ཅད་ཀྱི་གཏེར་ལགས་སོ།། སྡིག་པས་གོས་པ་རྣམས་ཀྱི་ཆབ་ལགས་སོ།།
119a6 ། ནོངས་པ་བགྱིས་པ་རྣམས་ཀྱི་མེ་ལོང་ལགས་སོ།། སེམས་གཡེང་བ་རྣམ་ཀྱི་ཏིང་ངེ་འཛིན་ལགས་སོ།། ཏིང་ངེ་འཛིན་རྣམ་ཀྱི་ཟ་མ་ཏོག་ལག་སོ།། ཕ་རོལ་ཏུ་ཕྱིན་པ་རྣམ་ཀྱིས་གཞི་ལགས་སོ།། གཟུངས་རྣམས་ཀྱི་ནོར་བུ
119a7 ལགས་སོ། ། བཟོད་པ་རྣམས་ཀྱི་ཁྱིམ་ལགས་སོ།། ས་རྣམས་ཀྱི་སྣོད་ལེགས་སོ།། ཕས་ཀྱི་རྒོལ་བ་རྣམས་ཀྱི་མཔར་ལགས་སོ།། ནད་པ་རྣམས་ཀྱི་སྤེན་མ་ལགས་སོ།། བསླབ་པ་རྣམས་ཀྱི་ལགས་སོ།།
iiif viewer powered by OpenSeadragon
