| e-texts navigator |
| Wylie |
117a1 ཡོངས་སུ་བསྐྱབ་ཏུ་གསོལ་ཞེས་སྨྲ་བ་དག་གིས་འདི་སྐད་དུ་བརྗོད་པར་བགྱིའོ།། ཏདྱ་ཐཱ། སྟམ་བྷ་བྷཱུ་ཛ། བི་རུཌ་བྷུ་ཛ། གོ་གྷ། བི་རེ་ཛཱ་བྷུ་ཛ། མེ་རུ་བྷུ་ཛ། ག་དུབ་བྷུ་ཛ།
117a2 ཧུཆུང་རུང་། ཨ་ནེ་བ་པཱུ་ཛ། སྨ་ར་བྷུ་ཛ། སྥ་ར་ཨ་བརྟ་བྷུ་ཛེ། ནིམ་པ་བྷུ་སྭཱ་ཧཱ། བཙུན་པ་བཅོམ་ལྡན་འདས་སེམས་ཅན་གང་ཁ་ཅིག་ཀླུ་ཁྲོ་བོ་དེ་དག་གིས་རྒྱུས་གནོད་པ་དག་གིས་གནོད་པ་བགྱིས་པར་གྱུར་པ་དེ
117a3 ལྟ་བུ་དེ་དག་གིས་བདག་གི་མིང་ནས་བརྗོད་པར་བགྱི་ཞིང་། ཀླུ་ཁྲོ་བོ་ང་རྒྱལ་ཅན་དྲེགས་པ། ཕྲག་དོག་དང་འདོད་ཆགས་ཀྱི་སེམས་ཞི་བར་བགྱི་བའི་སླད་དུ། གསང་སྔགས་འདོན་པ་ན། བདག་གིས་ལྷའི་རྣ་བ
117a4 རྣམ་པར་དག་པ་མི་ལས་འདས་པས་ཐོས་ནས། སྐྱེ་གནས་བཞི་པའི་ཀླུ་དང་། ཀླུ་ཆེན་པོ་དང་། ཀླུ་རྒན་པོ་དང་། ཀླུའི་བུ་དང་། ཀླུའི་འཁོར་རྣམས་དད་པར་མ་བགྱིས་སམ། དུས་མ་ལགས་པར་དོན་ཆེད
117a5 ཡང་བ་ལ་ཞུགས་པ་དག་མ་བཟློག་གམ། དེའི་ཚེ་དུས་མ་ལགས་པའི་ཆར་མོ་ཆེ་དང་། ཐན་ཆེན་དང་། དུས་མ་ལགས་པའི་ལྷགས་པ་དང་། ཚ་བ་དང་། རླུང་དང་། སྤྲིན་དང་། འཁྲུག་པ་དག་རབ་ཏུ
117a6 ཞིབར་མ་བགྱིས་སམ། བདག་གིས་བདེ་བའི་ཡོ་བྱད་ཐམས་ཅད་ཀྱིས་སེམས་ཅན་དེ་དག་གི་བསམ་པ་དག་ཡོངས་སུ་རྫོགས་པར་མ་བགྱིས་ན། བདག་གིས་དུས་གསུམ་གྱི་སངས་རྒྱས་བཅོམ་ལྡན
117a7 འདས་ཐམས་ཅད་བསླུས་པར་གྱུར་ཅིག། བདག་ཉིད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མ་གྱུར་ཅིག། བཙུན་པ་བཅོམ་ལྡན་འདས་བདག
iiif viewer powered by OpenSeadragon
