| e-texts navigator |
| Wylie |
116b1 དང་། བྱང་ཆུབ་སེམས་དཔའ་སེམས་དཔའ་ཆེན་པོ་རའི་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་གིས་གང་དག་ཀླུ་ཁྲོ་བ་དེ་དག་ནི་གནས་དེར་ཞུགས་ཏེ་མཆིས་ནས།
116b2 ཀླུ་རྣམ་པར་བསྒྱིངས་པའི་གནས་ཞེས་བགྱི་བའི་ཏིང་ངེ་འཛིན་ལ་སྙོམས་པར་ཞུགས་ནས་གནས་པར་བགྱི་ལགས་སོ།། ཏིང་ངེ་འཛིན་གྱི་མཐུས་བདག་གིས་དེ་དག་གི་ཁྲོ་བ་དང་། ང་རྒྱལ་དང་། དྲེགས་པ་དང་།
116b3 འདོད་ཆགས་དེ་དག་ཉེ་བར་ཞི་བར་བགྱི་ལགས་སོ།། དེ་དག་འཇམ་པ་དང་། སྣོད་དུ་རུང་བ་དང་། སེམས་ཞི་བར་འགྱུར་བ་དང་། སེམས་འཇིག་རྟེན་ཕ་རོལ་ལ་ལྟ་བར་འགྱུར་བ་དང་། སེམས་ཅན་ཐམས་ཅད་ལ
116b4 སེམས་བྱམས་པ་དང་། སྙིང་རྗེ་བ་དང་། སྙིང་བརྩེ་བ་དང་། སེམས་བརྩེ་བ་ཅན་དུ་འགྱུར་བར་བགྱི་ལགས་སོ།། ཀླུ་ཁྲོ་བོ་དང་། ཀླུ་མ་རུངས་པ་རྣམས་དད་པར་འགྱུར་བར་བགྱི་ལགས་སོ།། སེམས་ཅན
116b5 ཐམས་ཅད་ལ་མི་འཚེ་ཞིང་སྙིང་བརྩེ་བ་ཅན་གྱི་སེམས་ཀྱི་ས་ལ་གནས་པར་བགྱི་ལགས་སོ། ། གཞན་ཡང་གང་དག་རྫི་ཆར་དང་། ཆར་མོ་ཆེ་དང་། ཐན་ཆེན་དང་། སྤྲིན་དང་། སྤྲིན་ཆེན་དང་། ལྷགས་པ་དང
116b6 ཚ་བ་དག་གིས་གནོད་པར་གྱུར་པའི་སེམས་ཅན་དེ་དག་གིས་ཐལ་མོ་སྦྱར་ཏེ། བདག་གིས་མིང་བརྗོད་ནས་འདི་སྐད་དུ། རིའི་སྙིང་པོ་ཐུགས་རྗེ་རྒྱ་ཆེ་བ། ཀླུ་ཡོངས་སུ་སྨིན་པར་མཛད་པ། བདག་ཅག་དྲན་ལགས
116b7 སོ། ། དྲན་ལགས་སོ།། བླ་ན་མེད་པའི་བྱང་ཆུབ་ལ་སྤྱོད་པར་མཛད་པ། ཐབས་དང་ཡེ་ཤེས་སྣ་ཚོགས་ལ་བརྩོན་པས་མི་སྤྱོད་ལགས་སམ། བདག་ཅག་སྡུག་བསྔལ་ལས་ཐར་པར་མཛད་དུ་གསོལ།
iiif viewer powered by OpenSeadragon
