| e-texts navigator |
| Wylie |
116a1 མ་རུང་བར་བགྱིད་པ། འཇིག་རྟེན་ཕ་རོལ་ལ་མི་ལྟ་བ། སེམས་ཅན་རྣམས་ལ་སྙིང་བརྩེ་བ་མ་མཆིས་ཤིང་། སྙིང་རྗེ་མ་མཆིས་པར་ཞུགས་པ། སྡང་བ། རྩུབ་པ་ལགས་ཏེ། བདག་སེམས
116a2 ཅན་ཡོངས་སུ་སྨིན་པར་བགྱིད་པ་ལ་བར་ཆད་བགྱིད་པ་ལགས་པས། དེ་དག་གི་དོན་དུ་བཅོམ་ལྡན་འདས་ཀྱིས་ཐུགས་རྗེ་ཆེན་པོ་བསྐྱེད་དུ་གསོལ། བཅོམ་ལྡན་འདས་ཀྱིས་དེ་དག་གི་སྡིག་པ་དེ་དག་ཐམས་ཅད
116a3 ཞི་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས། ཀླུའི་གནས་ན་གནས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་ལ་བཀའ་སྩལ་པ། རིགས་ཀྱི་བུ་ཁྱོད་ཀྱི་དེ་བཞིན་གཤེགས་པ་མར་མེ
116a4 མཛད་ཀྱི་སྤྱན་སྔར་ཀླུ་ཡོངས་སུ་སྨིན་པར་བརྩོན་པས་སྨོན་ལམ་བཏབ་པ་ཅི་འདྲ་ཞེ་ན། སྔོན་དང་། ད་ལྟར་དང་། མ་འོང་བའི་དུས་ཀྱི་ཀླུ་དང་། ཀླུ་ཆེན་པོ་ཀླུ་ཁྲོ་བོ་སྐྱེ་གནས་བཞི་པ་དག་དབུག་གདུག་པ་དང་། ཀླུ་རྣམས་ཀྱི་མིག
116a5 གདུག་པ་དང་། རེག་པ་གདུག་པ་དང་། སྐྱེ་གདུག་པ་དང་། འདོད་ཆགས་ཀྱི་དུག་དང་། ཞེ་སྡང་གི་དུག་དང་། གཏི་མུག་གི་དུག་དང་། ཀླུ་ཁྲོ་བོ་རྣམས་ཀྱི་སྡིག་པའི་ཆོས་དག་ཅི་ནས་ཀྱང་ཆོས་དང་ལྡན་པས་བརྩལ་བར་ནུས་པར་བྱའོ།། ཅི
116a6 ནས་ཀྱང་ཀླུ་ཁྲོ་བོ་དེ་དག་གིས་སེམས་ཅན་རྣམས་ཀྱི་ལོངས་སྤྱོད་དང་། ཉེ་བར་སྤྱོད་པ་དང་། ཡོ་བྱད་སྣ་ཚོགས་དང་ལྡན་པ་རྣམས་ལ་གནོད་པར་མི་འགྱུར་བར་བྱའོ།། དཀོན་མཆོག་གསུམ་པོ་དེ་དག་ལ་དད་པ
116a7 དང་། དང་བ་དང་། དགའ་བ་ཐོབ་པར་བྱའོ།། འཇིག་རྟེན་ཕ་རོལ་ལ་ལྟ་བ་དང་བཅས་ཤིང་སྡིག་པའི་ཆོས་རྣམས་དང་འབྲལ་བར་འགྱུར་བར་བྱའོ་ཞེས་སྨོན་ལམ་བཏབ་བོ།། དེ་སྐད་ཅེས་བཀའ་སྩལ་པ
iiif viewer powered by OpenSeadragon
