| e-texts navigator |
| Wylie |
115b1 འབྱུང་བར་བགྱིད་པ། སེམས་ཅན་རྣམས་ཀྱི་ལོ་ཏོག་དང་། ལོ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་རྣམས་མ་རུངས་པར་བགྱིད་པའི་ཀླུ་དང་ཀླུ་ཆེན་པོ་དག་མ་བསླད་ལགས་སོ།།
115b2 བཙུན་པ་བཅོམ་ལྡན་འདས་དུས་འདིར་ད་ལྟར་གླིང་བཞི་པའི་འཇིག་རྟེན་གྱི་ཁམས་འདི་ན། ཀླུ་དང་། ཀླུ་ཆེན་པོ་དང་། ཀླུའི་འཁོར་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། གླིང
115b3 བཞི་པ་འདི་ན་གང་ཁ་གཅིག་ཀླུའི་སྐྱེ་གནས་པ་དེ་དག་ཐམས་ཅད་ད་ལྟར་འདིར་མཆིས་པ་རྣམས་དང་། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ད
115b4 ལྟར་འདུས་པ་ཆེན་པོ་འདིར་མཆིས་པ་རྣམས་དང་། ད་ལྟར་འདིར་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། མི་འམ་ཅི་དང་། ལྷ་མ་ཡིན་དང་། ལྟོ་འཕྱེ་དང་། ཡི་དགས་དང་། ཤ་ཟ་དང་།
115b5 སྲུལ་པོ་དང་། ལུས་སྲུལ་པོ་འདུས་པ་ཐམས་དང་། བཅོམ་ལྡན་འདས་ཀྱི་ཉན་ཐོས་མི་དང་། མི་མ་ཡིན་པ་དེ་དག་ད་ལྟར་འདུས་པ་ཆེན་པོ་འདིར་ཆོས་ཉན་པའི་སླད་དུ། བཅོམ་ལྡན་འདས་ཀྱི་སྤྱན་སྔར་མཆིས
115b6 པའི་སེམས་ཅན་དེ་དག་ཐམས་ཅད་ཟས་བཞི་ལ་རྟེན་ཅིང་འཚོ་བར་བགྱིད་ལགས་སོ། ། བཙུན་པ་བཅོམ་ལྡན་འདས་ད་ལྟའི་དུས་སུ་ཀླུ་ཁྲོ་བོ་ཕུང་བར་བགྱིད་པ་དག་ཞི་བར་མཛད་དུ་གསོལ། གང་དག་ཀླུ་ཁྲོ་བོ
115b7 རྣམས་ནི་བཅོམ་ལྡན་འདས་ཀྱི་བཀའ་ལ་མངོན་པར་མ་དད་པས། རྟག་པར་ཡང་སྒྲུབ་པར་བགྱིད་པ། སེམས་ཅན་རྣམས་ལ་མཐོ་འཚམ་པ། སེམས་ཅན་རྣམས་ཀྱི་ལོངས་སྤྱོད་དང་། ཉེ་བར་སྤྱོད་པ་དག
iiif viewer powered by OpenSeadragon
