| e-texts navigator |
| Wylie |
114b1 བུ་སྟོན་པ་ཡིན་ནོ། ། གཟུངས་ཆེན་པོ་དེས་ན་འདི་ན་སེམས་ཅན་རྣམས་ཀྱི་སའི་བཅུད་ཀྱི་མདངས་དང་། ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། རོ་དང་། འབྲུ་དང་། སྤུན་རྣམས་མི
114b2 ཉམས་ཤིང་སྐྱོན་མེད་ལ། འཕེལ་ཞིང་འབྱོར་པར་བྱེད་དོ།། སེམས་ཅན་གང་དག་གིས་ཟོས་པ་དེ་དག་གི་རྒྱུད་ལ་རྩོད་པའི་རྙོག་པ་ཐམས་ཅད་ཞི་བར་བྱེད་དོ།། འདིར་སེམས་ཅན་རྣམས་དགེ་བའི་ཆོས་ཐམས
114b3 ཅད་ལ་སྤྱོད་པར་འགྱུར་རོ། ། གླིང་བཞི་པ་འདིར་དུས་མ་ཡིན་པའི་རླུང་དང་། ཉི་མས་གདུངས་པ་དང་། ཚ་བ་དང་། ཟང་བ་དང་། ཆར་མོ་ཆེ་དང་། ཐན་ཆེན་དང་། ཟླ་བ་དང་། ཉི་མ་དང་། གཟའ་དང་།
114b4 རྒྱུ་སྐར་དང་། ཉིན་མཚན་དང་། ཟླ་བ་དང་། ཟླ་བ་ཕྱེད་པ་དང་། ལོ་དང་། དུས་ཚིགས་ལོག་པ་ཐམས་ཅད་ཉེ་བར་ཞི་བར་བྱེད་དོ།། གཟུངས་ཆེན་པོ་བསྟན་པ་དེས་ན། ངའི་དཀོན་མཆོག་གསུམ་གྱི་གདུང
114b5 དང་། ཆོས་ཀྱི་ཚུལ་ཡུན་རིང་དུ་གནས་པར་འགྱུར་རོ།། གལ་ཏེ་འདིར་མུན་པ་ཅན་སྐལ་པ་ཆུང་བ། རྒྱགས་པ་དང་དྲེགས་པས་ཁེངས་ཤིང་། དགེ་བའི་རྩ་བ་མ་བསྐྱེད་པ། རྒྱལ་རིགས་གདོལ་པ་དང་། བློན་པོ་གདོལ
114b6 པ་དག་གིས་འདི་ལྟར་ངའི་བསྟེན་པ་དཀའ་བས་བསྒྲུབས་པ་དང་། ངའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ལ་འཚེ་བར་བྱེད་པ་ནས། རྒྱུ་དེས་ན་ལྷ་དང་། ཀླུ་དང
114b7 གནོད་སྦྱིན་དག་འཁྲུག་པར་མི་བྱེད་པའི་བར་དུའོ། ། དེ་བཞིན་དུ་སེམས་ཅན་རྣམས་ལ་བདེ་བར་སྦྱར་བ་ཐམས་ཅད་འབྱུང་བ་ནི་སྔར་ཇི་སྐད་གསུངས་པ་བཞིན་ནོ།། འདུས་པ་ཆེན་པོ་ཐེག་པ་ཆེན་པོའི་མདོ
iiif viewer powered by OpenSeadragon
