| e-texts navigator |
| Wylie |
113a1 ཐ་ན་རི་དགས་དང་། བྱ་ཁྲོ་བོ་དང་། མ་རུངས་པ་ཐམས་ཅད་ཀྱང་ཞི་བར་བྱེད་དོ།། དུས་མ་ཡིན་པའི་རླུང་དང་། ཉི་མས་གདུངས་པ་དང་། གྲང་བ་དང་། ཚ་བ་དང་། ཟན་ཆེན་ཐམས་ཅད
113a2 རབ་ཏུ་ཞི་བར་བྱེད་དོ། ། ལོ་ཏོག་ཐམས་ཅད་འཕེལ་ཞིང་འགྲུབ་པར་བྱེད་དོ།། སེམས་ཅན་རྣམས་ཚེ་རིང་བར་བྱེད་དོ།། ལོངས་སྤྱོད་འཕེལ་བར་བྱེད་དོ།། ལས་འཕེལ་བ་སྤོལ་བར་བྱེད་པའི་བར་དུ་བྱེད་དོ།། མྱ་ངན
113a3 ལས་འདས་པ་བླ་ན་མེད་པ་ལ་ཐུག་པའི་བར་དུ། དགེ་བའི་ཆོས་ཐམས་ཅད་ཀྱིས་ཉམས་པར་མི་འགྱུར་རོ།། ཡོངས་སུ་ཉམས་པར་མི་འགྱུར་རོ།། ལ་ལ་ཞིག་གཟུངས་ཆེན་པོ་འདི་ཉན་ཏམ། ཀློག་གམ། སྒྲུབ་པར
113a4 བྱེད་ན། དེ་ཕྱིས་འགལ་བ་མེད་པའི་ཆོས་དང་། སྡོམ་པ་གསུམ་ལ་གནས་པར་འགྱུར་རོ།། དེ་ནས་བྱང་ཆུབ་སེམས་དཔའ་སའི་སྙིང་པོས་གསོལ་པ། བཙུན་པ་བཅོམ་ལྡན་འདས་འདིར་བདག་གིས་ཀྱང་མཚོན་ཆའི
113a5 སྟོབས་ཞེས་བགྱི་བའི་གཟུངས་ཆེན་པོ་བཤད་པར་བགྱིའོ། ། མཚོན་ཆའི་སྟོབས་ཞེས་བགྱི་བའི་གཟུངས་དེས་སེམས་ཅན་རྣམས་ཀྱི་ལོངས་སྤྱོད་དང་ཡོངས་སུ་སྤྱོད་པ་ཐམས་ཅད་ཀྱི་ཆེད་དུ་སའི་བཅུད་ཐམས་ཅད་ཉམས
113a6 པར་མི་འགྱུར་ལགས་སོ། ། ཡོངས་སུ་ཉམས་པར་མི་འགྱུར་ལགས་སོ།། སའི་བཅུད་ཀྱི་མདངས་རྣམས་གང་གིས་ཀྱང་དབྲོག་པར་རྔོ་མི་ཐོགས་ལགས་སོ།། དབུགས་གདུག་པ་གཏོང་བ་འམ། བསྐམ་པར་ཡང་རྔོ
113a7 མི་ཐོགས་ལགས་སོ། ། ནུབ་པ་དང་། རོ་མ་མཆིས་པར་བགྱི་བར་རྔོ་མི་ཐོགས་ལགས་སོ།། ཉམས་པ་དང་མ་མཆིས་པར་བགྱི་བར་རྔོ་མ་ཐོགས་ལགས་སོ།། དོགས་ལས་ལོ་ཏོག་མི་འཁྲུང་བར་བགྱི་བར་རྗེ་མི
iiif viewer powered by OpenSeadragon
