| e-texts navigator |
| Wylie |
111b1 འདིར་ལྷགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་དེ་ཐོས་ནས་ཀྱང་། ཕྱོགས་བཅུའི་སངས་རྒྱས་ཀྱི་ཞིང་སྙིགས་མ་ལྔ་ཅན་སྟོང་པ་དེ་ན། སེམས་ཅན་རྣམས་ལ་འབྱོར་བྱེད་ཆུ་ཁྱིམ་སྙིང་པོ།
111b2 ཞེས་བྱ་བའི་གཟུངས་འདི་རབ་ཏུ་སྟོན་པར་བྱེད་དོ།། གཟུངས་ཀྱི་རྒྱུ་དེས་ན། དེར་དུས་མ་ཡིན་པའི་རླུང་དང་། ཉི་མས་གདུངས་པ་དང་། གྲང་བ་དང་། ཚ་བ་དང་། ཆར་མོ་ཆེ་དང་། ཐན་ཆེན་དག་རབ་ཏུ་ཞི
111b3 པར་བྱེད་དོ། ། དེས་ན་དེར་འཇིག་རྟེན་ཕ་རོལ་ལ་མི་ལྟ་བའི་ལྷ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། ཡི་དགས་དང་། ཤ་ཟ་དང་། སྲུལ་པོ་དང་། ལུས་སྲུལ་པོ
111b4 དང་། མི་དང་། མི་མ་ཡིན་པ་དང་། ཐ་ན་རི་དགས་དང་། བྱ་མ་རུངས་པ། གཏུམ་པ། སེམས་ཅན་རྣམས་ལ་སྙིང་བརྩེ་བ་མེད་པ་དང་། སྙིང་རྗེ་མེད་པར་ཞུགས་པ་དག་དད་པ་ཅན་དུ་འགྱུར་རོ།།
111b5 སེམས་འཇམ་པར་འགྱུར་རོ།། དགེ་བ་དྲན་པར་འགྱུར་རོ།། ཆོས་ཚོལ་བ་ལ་འདོད་པར་འགྱུར་རོ།། ཆོས་སྲུང་བར་འགྱུར་རོ།། དཀོན་མཆོག་གསུམ་གྱི་གདུང་འབར་བར་བྱེད་པར་འགྱུར་རོ།། གཟུངས
111b6 འདིའི་མཐུས་དེ་ན་སེམས་ཅན་རྣམས་ཚེ་རིང་བར་འགྱུར་རོ། ། ཁ་དོག་འཕེལ་བར་འགྱུར་རོ།། ལོ་ཏོག་འཕེལ་བར་འགྱུར་རོ།། ལོངས་སྤྱོད་འཕེལ་བར་འགྱུར་རོ།། བདེ་བ་འཕེལ་བར་འགྱུར་རོ།། ནད
111b7 མེད་པ་འཕེལ་བར་འགྱུར་རོ། ། གྲགས་པ་འཕེལ་བར་འགྱུར་རོ།། ཚུལ་ཁྲིམས་འཕེལ་བར་འགྱུར་རོ།། ཐོས་པ་འཕེལ་བར་འགྱུར་རོ།། གཏོང་བ་འཕེལ་བར་འགྱུར་རོ།། བྱམས་པ་འཕེལ་བར་འགྱུར
iiif viewer powered by OpenSeadragon
