| e-texts navigator |
| Wylie |
109b1 ཤིང་ཆུ་འབྱིན་པར་འགྱུར་བ་དང་། ལོ་ཏོག་ཕུན་སུམ་ཚོགས་པ་སྒྲུབ་པར་འགྱུར་བ་དང་། ཚ་བ་དང་། གྲང་བ་དུས་སུ་སྦྱོར་བར་འགྱུར་བ་དག་བློས་རྟོགས་ཤིག་དང་། གཞི་དེས་སེམས་ཅན་རྣམས་ཀྱི་ཡོངས
109b2 སྤྱོད་དང་། ཉེ་བར་སྤྱོད་པ་མི་ཉམས་ལ། སའི་བཅུད་ཐམས་ཅད་ལའང་སྐྱོན་མེད་པ་དང་། ནད་མེད་པ་དང་། སྙིང་པོ་དང་ལྡན་པ་དང་། དྲན་པའི་རྒྱུ་ཅན་དང་། ཞིམ་པ་དང་། དྲི་ཞིམ་པ་དང
109b3 རོ་ཞིམ་པོ་ཕུན་སུམ་ཚོགས་པར་འགྱུར་རོ། ། སའི་བཅུད་འདི་ལ་རྟེན་པའི་སེམས་ཅན་གང་དག་གིས་ལོངས་སྤྱོད་དང་། ཉེ་བར་སྤྱོད་པ་ལ་ལོངས་སྤྱོད་པ་དེ་དག་ནི་ནད་མེད་པ་དང་། དྲན་པ་དང་ལྡན་པ་དང
109b4 ཞེས་བྱ་བའི་བར་དུ་སྔར་ཇི་སྐད་གསུངས་པ་ཡིན་ནོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སོའི་སྙིང་པོས། དཔལ་ལྷ་མོ་ཆེན་མོ་དེ་ལོ་འདི་སྐད་ཅེས་སྨྲས་སོ།། དཔལ་ཆོ་ག་ཤེས་བདག་གིས།
109b5 ནི་སངས་རྒྱས་ཀྱི་ཞིང་འདི་ཐམས་ཅད་ཀྱི་འབྱུང་བ་ཆེན་པོ་མ་ལུས་པ་དག་ལྷའི་བདེ་བར་སྤྲུལ་ནས་འདིར་སེམས་ཅན་རྣམས་བསྐལ་པ་འབུམ་ཕྲག་སྙེད་ཀྱི་བར་དུ་ལོངས་སྤྱོད་པར་བྱ་བར་ནུས
109b6 ཀྱང་། འདིར་སེམས་ཅན་རྣམས་ཀྱི་ལོང་སྤྱོད་པར་མི་ནུས་སོ།། དེ་ཅིའི་ཕྱིར་ཞེ་ན། སེམས་ཅན་འདི་དག་ནི་བསོད་ནམས་དང་བྲལ་བ་སྟེ། ལོངས་སྤྱོད་དང་ཉེ་བར་སྤྱོད་པ་རྒྱ་ཆེན་པོ་དག་ལ་ལོངས་སྤྱོད་པའི་སྣོད་མ་ཡིན
109b7 ནོ། ། བདག་གིས་ནི་སངས་རྒྱས་ཀྱི་ཞིང་མི་མཇེད་འདི་ཐམས་ཅད་ལྷའི་གཞལ་མེད་ཁང་རྒྱ་ཆེན་པོར་སྤྲུལ་པ་དང་། ལྷའི་གནས་མལ་དང་། རྒྱན་དང་། གོས་དང་། ལྷབ་ལྷུབ་དང་། སྤོས་དང་། མེ་ཏོག་དང་།
iiif viewer powered by OpenSeadragon
