| e-texts navigator |
| Wylie |
108b1 རྩུབ་པ་དང་། རོ་མེད་པ་དང་། སྲ་བ་དང་། དྲི་མི་ཞིམ་པ་དག་ཏུ་བྱེད་དོ།། དེ་དག་གིས་སེམས་ཅན་རྣམས་མངོན་པར་དགའ་བར་མི་བྱེད་དོ།། སེམས་ཅན་གང་དག་སའི་བཅུད་འདི་ལ་རྟེན་པ་རྣམས་ས་བོན་དང་།
108b2 སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་དང་། རོ་དང་། འབྲུ་དང་། སྨན་དང་། ལོངས་སྤྱོད་དང་། ཉེ་བར་སྤྱོད་པ་དག་ལ་སྤྱོད་པར་བྱེད་པས། དེ་དག་གི་སེམས་འཇིག་རྟེན་ཕ་རོལ་ལ་མི་ལྟ་ཞིང
108b3 སེམ་ཅན་རྣམ་ལ་སེམས་རྩུབ་པ་དང་། ཞེ་འགྲས་པ་དང་། གདུག་པ་དང་། སྡང་བ་དང་། སྙིང་རྗེ་མེད་པ་དང་། སྙིང་བརྩེ་བ་མེད་པར་ཞུགས་པ་ཡིན་ནོ།། ནད་སྣ་ཚོགས་ཀྱིས་གཟིར་ཅིང་། གཟུགས་མི་སྡུག
108b4 ལ། ལུས་རྩུབ་པ། ཉོན་མོངས་པ་དང་། ནང་དུ་མས་ཉམས་སྨད་པ། ལྟ་བ་ངན་པར་ཞུགས་པ། སྐྱབས་ངན་པ་ལ་རྟེན་པ་ཡིན་ནོ།། དེ་དག་ཅེས་བྱ་བ་ནས། རི་དགས་དང་།། བྱ
108b5 དག་གི་བར་དུ་དཀོན་མཆོག་གསུམ་ལ་དད་པ་དང་། དང་པ་དང་། དགའ་བ་དང་། བླ་མ་དང་། ཞེ་ས་དང་། རི་མོ་བྱེད་པའི་སེམས་དག་མ་ཐོབ་པ་ཡིན་ཏེ། དེ་དག་ནད་སྣ་ཚོགས་དང་། ལྟ་བ་ངན་པས་ཟིན
108b6 ཅིང་། ངན་གཡོ་ཅན་ཁར་བྲོས་པས། དཀོན་མཆོག་གསུམ་ལ་ལུས་དང་། ངག་ཡིད་འཁྲུལ་པར་སྤྱོད་པ་ཡིན་ནོ།། སྡིག་པའི་སེམས་དང་ལྡན་པ། ཚུལ་ཁྲིམས་འཆལ་པ། སྡོམ་པ་མ་ཡིན་པ་ལ་སྤྱོད་པ
108b7 དེ་དག་དགེ་སློང་ཚུལ་ཁྲིམས་དང་ལྡན་ཞིང་ཡོན་ཏན་གྱིས་ཕྱུག་པ། སྤོབས་པ་གྲོལ་བ་དང་ལྡན་པ་དེ་དག་གིས་སྤོང་བར་བྱེད་དོ།། ད་ལྟར་འདི་ན་སེམས་ཅན་དག་གཤེ་བ་དང་། སྤྱོ་བ་དང་། སྨོད་པ་དང་།
iiif viewer powered by OpenSeadragon
