| e-texts navigator |
| Wylie |
107a1 བདག་གིས་བསོད་ནམས་ཀྱི་མཐུ་དང་། ཤེས་རབ་ཀྱི་སྟོབས་ཀྱིས་བཟློག་པར་བགྱིའོ།། དད་པར་བགྱིའོ།། ། བམ་པོ་གཉིས་པ།
107a2 གང་གི་ཚེ་སེམས་ཅན་དེ་དག་ལོངས་སྤྱོད་དང་། ཉེ་བར་སྤྱོད་པ་དང་བྲལ་བས། སེམས་ཅན་དེ་དག་མི་དགེ་བ་བཅུ་ལ་སྤྱོད་པར་བྱེད་དོ།། དགེ་བ་བཅུའི་ཆོས་རྣམས་ཡོངས་སུ་ཉམས་པར་བྱེད
107a3 དོ། ། འདི་ལྟར་དེར་བཅོམ་ལྡན་འདས་ཀྱི་གདུལ་བྱ་རྣམས་བསྟན་པ་དང་། དཀོན་མཆོག་གསུམ་གྱི་གདུང་དང་། ཡོ་བྱད་དག་དང་མི་ལྡན་པས། གྲགས་པ་མེད་པར་འགྱུར་ཏེ། དེས་ན་དེར་བདག་གིས་ལོངས
107a4 སྨོད་དང་ཉེ་བར་སྤྱོད་པའི་ཡོ་བྱད་ཕུན་སུམ་ཚོགས་པའི་རྒྱུ་དག་གིས་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བགྱིའོ། ། གང་གི་ཚེ་འདི་ལྟར་བདག་གིས
107a5 བཅོམ་ལྡན་འདས་ཀྱི་སྤྱན་སྔར་སྨོན་ལམ་བཏབ་པས། མ་འོངས་པའི་དུས་ན་དེ་ལྟར་བདག་གིས་བསམ་པ་ཡོངས་སུ་རྫོགས་པར་བྱས་པ་དེའི་ཚེ། བཅོམ་ལྡན་འདས་དེས་ལེགས་སོ་ཞེས་བྱ་བ་གནང
107a6 སྟེ་དེའི་ཚེ་ཇི་ལྟར་སྨོན་ལམ་བཏབ་པ་བཞིན་བསམ་པ་ཡོངས་སུ་རྫོགས་པར་བྱས་པས། རིགས་ཀྱི་བུ་དེ་ལྟར་སྨོན་ལམ་བཏབ་པ་ལེགས་སོ་ལེགས་སོ་ཞེས། དེ་བཞིན་གཤེགས་པ་དབང་པོའི་ཏོག་གི་རྒྱལ
107a7 མཚན་རྒྱལ་པོས་ལེགས་ཞེས་བྱ་བ་གནང་བ་ཡིན་ནོ། ། རིགས་ཀྱི་བུ་ཁྱོད་ལ་བདག་གིས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་སྦྱིན་གྱིས། ཁྱོད་ཀྱིས་གཟུངས་ཀྱི་སྙིང་པོ་འདིས་དེ་ལྟ་བུར་སེམས
iiif viewer powered by OpenSeadragon
