| e-texts navigator |
| Wylie |
106b1 དཀའ་བ་སྤྱད་པ་དང་། ཡོངས་སུ་གཏོང་བ་རྣམ་པ་སྣ་ཚོགས་དག་ལ་གོམས་པར་བགྱིའོ།། གང་གི་ཚེ་སྐྱེ་དགུའི་ཚེ་ལོ་བརྒྱ་ཐུབ་པའི་ཚེ་ཉོན་མོངས་པ་དང་། ཉོན་མོངས་པའི་སྤྱོག་པ་དག་གིས་ཀུན་ཏུ་རྨོངས
106b2 པར་གྱུར་པའི་ཞིང་དག་ཏུ། བདག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཞིང་དེར་བདག་གིས་ཀྱང་དཔལ་གྱི་གོ་འཕང་གི་བདག་པོ་བླ་ན་མེད་པ།
106b3 དག་བསྟན་པར་བགྱིའོ།། དེའི་བསྟན་པ་ལ་བཟའ་བ་དང་། བཏུང་བའི་ཡོ་བྱད་བླ་ན་མེད་པའི་སྦྱིན་པ་པོར་འགྱུར་བར་བགྱིའོ།། དེ་ན་དེ་བཞིན་གཤེགས་པ་ཤཱཀྱ་ཐུབ་པ་འཁོར་དང་བཅས་པ་དག་ལ
106b4 བདག་གིས་ཞལ་ཟས་དང་། བཏུང་བ་སྣ་ཚོགས་དག་གིས་རིམ་གྲོ་བགྱིའོ།། དེར་དེ་བཞིན་གཤེགས་པ་ཤཱཀྱ་ཐུབ་པས་མངོན་སུམ་དུ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན
106b5 པ་ཐོབ་པར་བགྱིའོ། ། དེར་སེམས་ཅན་གང་དག་མ་རུངས་པ། རྩུབ་པ། སྙིང་མི་བརྩེ་བ། བྱས་པ་མི་གཟོ་བ། མི་མཉམ་པ། ཡང་བར་སྤྱོད་པ། སྡིག་པའི་སེམས་དང་ལྡན་པ་དག་འབྱུང་བར་འགྱུར
106b6 བ་དེ་དག་གིས་དུས་མ་ཡིན་པའི་རྫི་ཆར་དང་། ཚ་བ་དང་། གྲང་བ་དང་། ཆར་མོ་ཆེ་དག་འབེབས་པར་བྱེད་པས། གང་དག་སེམས་ཅན་རྣམས་ཀྱི་འབྲུ་དང་། འབྲས་བུ་དང་། ལོ་ཏོག་དང་། སྨན
106b7 དང་རྣལྗོན་ཤིང་དང་། རོ་དག་མ་རུང་བར་བྱེད་པ། མདངས་འཕྲོག་པ། སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ཆུད་གཟོན་པར་བྱེད་པ། མུན་ནག་ཏུ་བྱེད་པ་དེ་དག་ཐམས་ཅད
iiif viewer powered by OpenSeadragon
