| e-texts navigator |
| Wylie |
106a1 སངས་རྒྱས་ཀྱི་ཤེས་པའང་བཙལ་བར་མི་བྱ་སྟེ། ། བླ་ན་མེད་པའི་ཡེ་ཤེས་དག་ནི་བཙལ་བར་བྱ།། ཇི་སྲིད་གངྒཱའི་བྱེ་སྙེད་སེམས་ཅན་དུ་མ་དག། སྡུག་བསྔལ་དག་ལས་ཐར་པར
106a2 བྱས་པར་མ་གྱུར་པར། ། དེ་སྲིད་བྱང་ཆུབ་མཆོག་རབ་འདིར་ནི་འཚང་མི་རྒྱ།། ཕྱི་ནས་བྱང་ཆུབ་མཆོག་རབ་དེ་ལ་རེག་པར་བྱ།། བུ་ཅིག་ཁྱོད་ཀྱིས་སེམས་ཅན་རྣམས་ལ་མཚུངས་པར་ནི།། སྙིང་རྗེ་འདི
106a3 ལྟ་བུ་དག་བསྐྱེད་པར་བྱས་ནས་ཀྱང་། ། ཁྱོད་ཀྱིས་དགེ་དང་རྟག་ཏུ་ལྡན་པར་བྱས་པ་རྣམས།། བྱང་ཆུབ་མཆོག་རབ་འཕགས་པ་དག་ཏུ་བསྔོ་བར་གྱིས།། སེམས་ཅན་ཉོན་མོངས་མེ་ལས་རབ་ཏུ་ཐར
106a4 བྱའི་ཕྱིར། ། སྡུག་བསྔལ་བཟད་རླག་བཟོད་དཀའ་བ་དག་དང་དུ་ལོང་།། སྦྱིན་དང་དུལ་དང་སྡོམ་པ་དག་ལ་ལེགས་སྤྱོད་ཅིག། རྫོགས་སངས་རྒྱས་པ་འགྱུར་བ་འདིར་ནི་ཐེ་ཙོམ་མེད།། གང་གི་ཚེ་ང་ནི་བྱང
106a5 ཆུབ་མཆོག་མ་ཐོབ་པ་ན། ། དེ་ཚེ་ཁྱོད་ནི་སེམས་ཅན་རྣམས་ཀྱི་སྦྱིན་པོར་འགྱུར།། ང་ཡིས་ཁྱོད་ནི་བྱང་ཆུབ་མཆོག་ཏུ་ལུང་བསྟན་ནས།། འདི་ལ་དམ་བཅས་བརྟན་པོར་ལེགས་པར་གནས་པ་ཡིན།།
106a6 རིགས་ཀྱི་བུ་དེའི་ཚེ་བདག་གིས་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་འདི་ལྟ་བུར་དམ་བཅས་ཏེ། བདག་ཡུན་ཇི་སྲིད་དུ་འཁོར་བ་ན་འཁོར་བ་དེ་སྲིད་ཀྱི་བར་དུ་བརྟུལ་ཞུགས
106a7 དང་། དཀའ་ཐུབ་དང་། དཀའ་བ་སྤྱད་པ་དང་། སྦྱིན་པ་དང་། དུལ་བ་དང་། སྡོམ་པ་དང་། བསམ་གཏན་དང་། ཐོས་པ་དང་། གཏོང་བ་དང་། ཞལ་ཏ་སྣ་ཚོགས་དག་ལ་གོམས་པར་བགྱིའོ།།
iiif viewer powered by OpenSeadragon
