| e-texts navigator |
| Wylie |
105a1 མོས་འདི་སྐད་ཅེས་སྨྲས་སོ། ། སྐྱེས་བུ་ཆེན་པོ་དམ་པས་ཇི་སྐད་སྨྲས་པ་དེ་ལྟར་ལགས་ཏེ། སྔོན་བྱུང་བ་འདས་པའི་དུས་བསྐལ་པ་དཔག་ཏུ་མེད་པ་དག་འདས་པ་ན། གང་གི་ཚེ
105a2 བྱང་ཆུབ་སེམས་དཔའ་ཤཱཀྱ་ཐུབ་པ་དེ་བྱང་ཆུབ་སེམས་དཔའི་སྤྱད་པ་སྤྱོད་པ་ན། འདི་ལྟར་བདག་དང་གཅིག་ལ་གཅིག་དམ་ཚིག་བཅས་པ་གང་གི་ཚེ། ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ
105a3 མངོན་པར་རྫོགས་པར་འཚང་རྒྱ་བ་དེའི་ཚེ། བདག་གླིང་ཆེན་པོ་བཞི་པ་དེར་དཔལ་ཆེན་མོའི་གོ་འཕང་ཐོབ་པར་ཤོག་ཅིག་པ་དང་། དེ་ན་སེམས་ཅན་རྣམས་ལ་བཟའ་བ་དང་། བཏུང་བའི་ཡོ་བྱད་ཐམས
105a4 ཅད་ཀྱིས་སྦྱིན་པར་བྱེད་པར་འགྱུར་བར་བགྱིས་ལགས་སོ། ། རིགས་ཀྱི་བུ་ཁྱོད་བདག་ལས་གསོན་ཅིག་དང་། སྔོན་བྱུང་བ་འདས་པའི་བསྐལ་པ་དཔག་ཏུ་མེད་པ་འདས་པ་གང་དེའི་ཚེ་དེའི་དུས་ན། དེ་བཞིན་གཤེགས
105a5 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་ཏོག་གི་རྒྱལ་མཚན་རྒྱལ་པོ་ཞེས་བྱ་བ་ཞིག་བྱུང་བར་གྱུར་ཏོ། ། སྐྱེ་དགུའི་ཚེ་ལོ་སྟོང་ཞེས་བྱ་བ་ནས། དེའི་ཚེ་དེའི་དུས་ན། དགེ་བསྙེན་སྐར་མ་དྲི
105a6 མ་མེད་དཔལ་ཞེས་བྱ་བ་དུལ་བ། གསལ་བ། འཇིགས་པ་མེད་པ། ཐོས་པ་མང་བ། འཁོར་བཞི་པོ་དག་ལ་ཆོས་སྟོན་པ། འཁོར་མང་བ། འཁོར་ཕུན་སུམ་ཚོགས་པ་ཞིག་བྱུང་བར་གྱུར་ཏོ་ཞེས་བྱ་བའི
105a7 བར་དུ་སྟེ། དེའི་བུ་ཐུ་བོ་དྲི་མེད་དཔལ་ཞེས་བྱ་བ་ཞིག་བྱུང་བ་དེས་རང་གི་ཕ་ལ་ཚིགས་སུ་བཅད་པས་སྨྲས་པ། ཡབ་ཅིག་ཅི་སླད་རང་གི་ལུས་སྲོག་བཏང་ནས་ཀྱང་།། ཞུམ་པ་མེད་པའི་སེམས་ཀྱིས་བརྩོན་ཞིང
iiif viewer powered by OpenSeadragon
