| e-texts navigator |
| Wylie |
104b1 ཕྱིར་མི་ལྡོག་པར་གྱུར་ཏོ། ། འདུས་པ་ཆེན་པོ་ཐེག་པ་ཆེན་པོའི་མདོ་བཅོ་ལྔ་པ་རིའི་སྙིང་པོའི་ལེའུ་ལས། བསམ་གཏན་མཚོན་པ་སྟེ་གཉིས་པ་རྫོགས་སོ།། ། དེ་ནས་དེ
104b2 དུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས། དཔལ་ལྷ་མོ་ཆེན་མོ་ལ་འདི་སྐད་ཅེས་སྨྲས་སོ།། དཔལ་ཆོ་ག་ཤེས་གླིང་ཆེན་པོ་བཞི་པ་འདི། བྱང་ཆུབ་སེམས་དཔའ་སེམས་དཔའ་ཆེན་དེ
104b3 དེ་དག་ཐམས་ཅད་ཀྱི་ཡུན་རིང་པོར་ཤིན་ཏུ་མཆོད་པ་ཆེར་བྱ་བ་དང་། རྗེས་སུ་བསྲུང་བར་བྱ་བ་དང་། རྗེས་སུ་དྲན་པར་བྱ་བ་དང་། ཕྱག་བྱ་བར་འོས་པ་དག་ཇི་ཙམ་པ་ནི། ད་ལྟར་དེ་བཞིན་གཤེགས་པ་དག།
104b4 བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱི་འདུས་པ་ཆེན་པོ་དེ་ལྟ་བུ་དག་བསྡུས་པ་དང་། བྱང་ཆུབ་ཀྱི་ལམ
104b5 མཐའ་དག་ལ་འཇུག་པ་དང་། ཕྱིར་མ་ལྡོག་པའི་འཁོར་ལོའི་ཐབས་མཁས་པའི་ཕ་རོལ་ཏུ་འགྲོ་བ་དང་། སངས་རྒྱས་སུ་དབང་བསྐུར་བའི་ས་རབ་ཏུ་བསྒྲགས་པ་དེ་ལྟ་བུ་དག་ལྟོས་ཤིག། ཁྱོད་ཕྱིར་མི
104b6 ལྡོག་པའི་འཁོར་ལོ་ཡོངས་སུ་རྫོགས་པར་བྱས་ཏེ། སྦྱིན་པའི་ཕ་རོལ་ཏུ་ཕྱིན་པ་དག་ལ་ཡང་དག་པར་མངོན་དུ་ཞོན་ནས། ཁྱོད་ཀྱི་སྦྱིན་གནས་དེ་ལྟ་བུ་དག་ལ་བཟའ་བ་དང་། བཏུང་བའི་ཡོ་བྱད་དག
104b7 འབྱོར་པར་བྱས་པ་ཡིན་ཏེ། ཁྱོད་བརྩོན་པ་དེས་ན་མྱུར་དུ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དམ། རྣམ་པ་ཐམས་མཁྱེན་པ་ཉིད་ཀྱི་ཡེ་ཤེས་ལ་གནས་པར་བྱེད་དམ། དེ་ལ་དཔལ་ལྷ་མོ་ཆེན
iiif viewer powered by OpenSeadragon
