| e-texts navigator |
| Wylie |
103a1 ཆུས་ཁྱེར་བར་མི་འགྱུར་རོ།། ནད་ཀྱི་བསྐལ་པས་ཟད་པར་མི་འགྱུར་རོ།། མུ་གེའི་དགོན་པར་གྱུར་པའི་བསྐལ་པས་ཟད་པར་མི་འགྱུར་རོ།། བསམས་བཞིན་དུ་ཚེའི་འདུ་བྱེད་འདོར་བ་ལ་མ
103a2 གཏོགས་པར་ཚེའི་འདུ་བྱེད་དང་། སྲོག་གི་དབང་པོ་ཡོངས་སུ་ཟད་པར་མི་འགྱུར་རོ།། ལུས་དང་སྲོག་ལ་མི་དང་། མི་མ་ཡིན་པ་དང་། རླུང་དང་། ཉི་མས་གདུངས་པ་དག་གིས་གནོད་པར་མི་འགྱུར་ཏེ། དེ་ལྟ་བུ།
103a3 ནི་སྙོམས་པར་ཞུགས་པའི་ཡིན་ནོ།། ཏིང་ངེ་འཛིན་ལས་ལངས་ནས་ཀྱང་འདོད་ན། སྐྲའི་རྩེ་མོ་གཅིག་གི་ནང་དུ་སངས་རྒྱས་ཀྱི་ཞིང་དཔག་ཏུ་མེད་པ་དག་གཞུག་པར་ནུས་སོ།། འདོད་ན་སངས་རྒྱས་བཅོམ་ལྡན
103a4 འདས་འཁོར་དང་བཅས་པ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་དང་བཅས་པ་ཐམས་ཅད་གཅིག་ཏུ་བསྡོམས་པ་མ་ལུས་པ་དག་སོར་མོ་གཅིག་གི་སེན་མོའི་ནང་དུ་བལྟ་བར་ཡང
103a5 ནུས་སོ། ། འདོད་ན་སྐྲའི་རྩེ་མོ་གཅིག་གི་ནང་དུ་སེམས་ཅན་དཔག་ཏུ་མེད་པ་ཐམས་ཅད་བཞུགས་པར་ཡང་ནུས་ལ། དེ་ན་སེམས་ཅན་རེ་རེའི་རང་རང་གི་ཡུལ་དང་། སྤྱོད་ཡུལ་དག་ཡངས་པར་ཡང་མཐོང་ངོ་།།
103a6 འདོད་ན་སངས་རྒྱས་ཀྱི་ཞིང་མཐའ་ཡས་མུ་མེད་པ་དག་གི་རླུང་གི་ལམ་ཐམས་ཅད་སྐྲའི་རྩེ་མོ་གཅིག་གི་ནང་དུ་བཅུག་སྟེ། དེར་ནམ་མཁའི་གཏོས་ཡངས་པ་བཞིན་དུ་སྤྱོད་པར་བྱེད་ཀྱང་། དེ་ཆེ་བར་ཡང་མི་མངོན་ནོ།། །
103a7 ཆུང་བར་ཡང་མི་མངོན་ནོ།། འདོད་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སངས་རྒྱས་ཀྱི་ཞིང་ཐམས་ཅད་ཀྱི་ཆུའི་ཁམས་ཐམས་ཅད་མོན་སྲན་སྡེའུའི་འབྲུམ་བུ་གཅིག་གི་ནང་དུ་བཅུག་སྟེ། དེར་ནམ
iiif viewer powered by OpenSeadragon
