| e-texts navigator |
| Wylie |
101a1 པ་ཉིད་བརྗོད་དུ་མེད་པའི་ཏིང་ངེ་འཛིན་གྱི་ཕ་རོལ་ཏུ་ཕྱིན་པ་ལ་དབང་ཐོབ་པར་གྱུར་པ། བྱང་ཆུབ་སེམས་དཔའ་ཆེན་པོ་དེ་གང་གི་ཚེ་ཏིང་ངེ་འཛིན་འདི་ལ་འཇུག་པར་འདོད་པ་དེའི་ཚེ།
101a2 དེས་དང་པོ་ཁོ་ནར་སེམས་ཅན་ཡོངས་སུ་སྨིན་པར་བྱ་བའི་ཕྱིར། བསོད་ནམས་དང་། ཤེས་རབ་ཀྱི་སྟོབས་ཀྱིས་སྨོན་ལམ་འདི་ལྟ་བུར་འདེབས་པར་བྱེད་དེ། འདི་ལྟར་བདག་ཡུན་ཇི་སྲིད་དུ་ཏིང་ངེ།
101a3 འཛིན་ལས་མ་ལངས་པ་དེ་སྲིད་ཀྱི་བར་དུ། ཡུལ་འདི་ཉིད་དང་། གླིང་བཞི་པ་འདི་ཉིད་ཅེས་བྱ་བ་ནས། སངས་རྒྱས་ཀྱི་ཞིང་འདི་ཉིད་ཀྱི་སེམས་ཅན་ཞེས་བྱ་བའི་བར་གྱི་སེམས་ཅན་རྣམས་ལོངས་སྤྱོད་དང་།
101a4 ཡོངས་སུ་སྤྱོད་པ་དང་། ཡོ་བྱད་རྣམ་པ་སྣ་ཚོགས་དག་ཕུན་སུམ་ཚོགས་པར་གྱུར་ཅིག། འདི་ལྟ་སྟེ། དེ་ན་སེམས་ཅན་རྣམས་ཀྱི་གནས་དང་། ལུས་དང་། ལུས་ཀྱི་དབྱིབས་མདོག་དང་།
101a5 ཡན་ལག་དྲོང་། ཉིང་ལག་དང་། རྒྱན་དང་། ལྷབ་སྒྲུབ་དང་། ཕྱང་དྲུལ་དང་། འཕྲེང་བ་དང་། མལན་དང་། གོས་དང་། བཟའ་བ་དང་། བཏུང་བ་དང་། གཟུགས་དང་། སྤུ་དང་། དྲི་དང་།
101a6 རོ་དང་། རེག་པ་ཡིད་དུ་འོང་བ་ཅི་དང་ཅི་འདོད་པ་དང་། ཇི་ལྟ་བུ་ཞིག་འདོད་པ་དང་། ཇི་སྙེད་ཅིག་འདོད་པ་རྣམས་འབྱུང་བར་གྱུར་ཅིག་ཅེས་སྨོན་ལམ་བཏབ་ནས། དེའི་རྗེས་ལ་བྱང་ཆུབ་སེམས་དཔའ
101a7 སེམས་དཔའ་ཆེན་པོ་དེ་ཏིང་ངེ་འཛིན་དེ་ལ་འཇུག་པར་བྱེད་དོ། ། ཏིང་ངེ་འཛིན་དེ་ལ་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཇི་སྲིད་དུ་སྙོམས་པར་ཞུགས་པ་དེ་སྲིད་ཀྱི་བར་དུ། དེན
iiif viewer powered by OpenSeadragon
