| e-texts navigator |
| Wylie |
100b1 ཅད་ཀྱིས་མ་ཡིན་ནོ། ། དེ་ལ་སའི་ཁམས་མི་དམིགས་སོ།། ཆུའི་ཁམས་མི་དམིགས་སོ།། མེའི་ཁམས་མེ་དམིགས་སོ།། རླུང་གི་ཁམས་མི་དམིགས་སོ།། ནམ་མཁའི་ཁམས་མི་དམིགས་སོ།། རྣམ
100b2 པར་ཤེས་པའི་ཁམས་མི་དམིགས་སོ། ། ཕུང་པོ་དང་། ཁམས་དང་། སྐྱེ་མཆེད་རྣམས་རྒྱུ་བ་མི་དམིགས་སོ།། སྔོན་གྱི་མཐའ་མི་དམིགས་སོ།། ཕྱི་མའི་མཐའ་མི་དམིགས་སོ།། འཇིག་རྟེན་འདི་མི་དམིགས
100b3 སོ། ། འཇིག་རྟེན་ཕ་རོལ་མི་དམིགས་སོ།། ལེགས་པར་སྤྱད་པ་དང་། ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མི་དམིགས་སོ།། སྐྱེ་བ་མི་དམིགས་སོ།། འཇིག་པ་མི་དམིགས་སོ།།
100b4 ཀུན་ནས་ཉོན་མོངས་པ་མི་དམིགས་སོ།། རྣམ་པར་བྱང་བ་མི་དམིགས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཞི་བ་ལ་གནས་པ་དེ་དག་གིས་གནས་སོ།། གལ་ཏེ་ཆོས་ཐམས་ཅད་སྟོང
100b5 པ་ཉིད་བརྗོད་དུ་མེད་པའི་ཏིང་ངེ་འཛིན་འདིས་བསྐལ་པ་ཚད་མེད་པར་བྱིན་གྱིས་རློབ་པར་འདོད་ནའང་། དེ་བཞིན་དུ་ཏིང་ངེ་འཛིན་གྱི་སྟོབས་ཀྱིས་བྱིན་གྱིས་རློབ་བོ།། དེ་ཆོས་ཐམས་ཅད་སྟོང་པ་ཉིད་བརྗོད
100b6 དུ་མེད་པའི་ཏིང་ངེ་འཛིན་འདིས་བསྐལ་པ་ཚད་མེད་པར་གནས་པར་འདོད་ནའང་དེ་བཞིན་དུ་གནས་པར་བྱེད་དོ། ། འདི་ལྟར་སེམས་ཅན་ཡོངས་སུ་སྨིན་པར་བྱ་བའི་ཕྱིར། ཕ་རོལ་ཏུ་ཕྱིན་པ་དྲུག་ཡོངས
100b7 སུ་རྫོགས་པར་བྱེད་དེ། དཔེར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་བཞིན་ནོ།། དཔལ་ཆོ་ག་ཤེས་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་ཆོས་ཐམས་ཅད་སྟོང
iiif viewer powered by OpenSeadragon
