| e-texts navigator |
| Wylie |
100a1 བ་སྤུའི་ཁུང་བུའི་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པའི་མཚན་ཉིད་ལ་བརྩོན་པ་དང་ལྡན་པར་གནས་པར་བྱེད་དོ།། ཡང་ན་དེ་བ་སྤུའི་ཁུང་བུའི་སྒོ།
100a2 སྐུའི་ཉག་མ་ཙམ་དུ་ཆུང་བར་རྟོག་ནའང་། དེར་དབུགས་རྔུབ་པ་དང་། དབུགས་འབྱུང་བ་རྒྱུ་བ་དེ་དག་ལ་ཆུང་བར་ཡང་མཐོང་ངོ་།། ཡང་ན་ཆེ་བར་རྟོག་ནའང་ཡུང་འབྲུ་ཆེན་པོ་ཙམ་དུ་ཡང་དག་པར་རྗེས་སུ
100a3 མཐོང་ངོ་། ། ཡང་ན་སྐྱུ་རུ་ར་ཙམ་དུ་རྟོག་ནའང་སྐྱུ་རུ་ར་ཙམ་དུ་མཐོང་ངོ་།། ཡང་ན་བ་སྤུའི་ཁུང་བུ་རེ་རེ་ལ་བིལ་བའི་འབྲས་བུ་ཙམ་དུ་རྟོག་ནའང་། བིལ་བ་འབྲས་བུ་ཙམ་དུ་མཐོང་ངོ་།། ཡང་ན་དཔག་ཚད
100a4 སྟོང་ཙམ་དུ་རྟོག་ནའང་དཔག་ཚད་སྟོང་ཙམ་དུ་མཐོང་ངོ་། ། ཡང་ན་གླིང་བཞི་པ་གཅིག་ཙམ་དུ་རྟོག་ནའང་། གླིང་བཞི་པ་གཅིག་ཙམ་དུ་མཐོང་ངོ་།། ཡང་ན་བ་སྤུའི་ཁུང་བུ་རེ་རེ་ལ་རྒྱ་ཆེ་བར་རྟོག་ནའང་།
100a5 རྒྱ་ཆེ་བར་ཡང་དག་པར་རྗེས་སུ་མཐོང་ངོ་།། དེ་བཞིན་དུ་མིག་གི་ཚད་ལའང་སྦྱར་བར་བྱའོ།། གང་དུ་རྒ་ཤི་དང་འབྲེལ་བའི་སེམས་ཅན་དག་པར་ཆད་མེད་པར་འཁོར་བའི་ཆུ་བོར་འདས་པས། སྡུག
100a6 བསྔལ་རྣམ་པ་སྣ་ཚོགས་དག་ཉམས་སུ་མྱོང་བ་ན། དེ་འདི་སྙམ་དུ་བདག་གིས་ཅི་ནས་ཀྱང་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་དག་དོར་བར་བྱའོ་སྙམ་དུ་སེམས་ཏེ། དེ་རླུང་གི་ཁམས་ལ
100a7 སེམས་ཉེ་བར་གཏོད་པར་བྱེད་དོ། ། དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་དག་སྤོང་བས། དེས་བརྗོད་དུ་མེད་པའི་ཏིང་ངེ་འཛིན་ལ་རབ་ཏུ་ཐོབ་སྟེ། དེ་ནི་ཉན་ཐོས་དང་རང་རྒྱལ་བ་ཐམ
iiif viewer powered by OpenSeadragon
