| e-texts navigator |
| Wylie |
296b1 སྨྲས་པ། གལ་ཏེ་འཛམ་གླིང་སེམས་ཅན་ཐམས་ཅད་དག། སྲེད་མེད་བུ་འདྲའི་བརྩོན་འགྲུས་ཐོབ་གྱུར་ཅིང་།། དེ་དག་མཚོན་ཐོགས་བདག་སླད་རྒྱུག་གྱུར་ཀྱང་།། དེ་དག་རྣམས་ཀྱིས་བདག་གཞོམ་རྔོ་མི་ཐོག
296b2 བྱམས་སེམས་ལྡན་ལ་དུག་དང་མཚོན་མི་ཚུགས། ། རོ་ལངས་དང་ནི་འཇིགས་པ་གཞན་མི་འབྱུང་། བྱམས་སེམས་ཐབ་ཞེ་སྡང་མ་མཆིས་པས། བྱམས་པའི་སེམས་ལ་གཞན་གྱིས་གནོད་མི་འགྱུར།། ཡང
296b3 བདག་འཇིག་རྟེན་དག་ལ་བྱམས་པ་ཆེ། ། ངན་བུ་བདག་བཞིན་འགྲོ་ལ་དགའ་བར་གནས།། ནམ་ཡང་གཞན་ལ་སྡུག་བསྔལ་མ་བགྱིས་པས།། དེ་ཕྱིར་ངན་བུ་སྡུག་བསྔལ་མི་འགྱུར་ཡབ།། ཆགས་བྲལ་ནམ་ཡང
296b4 འདོད་ཆགས་མ་མཆིས་ཤིང་། ། བྱམས་པ་ཡོངས་བསྒོམས་ཞེ་སྡང་མཆིས་མ་ལགས།། བདག་ལ་ཆགས་སྡང་གཏི་མུག་མ་མཆིས་ཏེ།། དེ་ཕྱིར་ངན་བུ་གཞན་གྱིས་མི་ཐུབ་ཡབ།། ཡབ་དང་ཡུམ་ལ་བྱམས
296b5 པ་མཆིས་པ་ལྟར། ། འགྲོ་བ་ཀུན་ལ་རྒྱུན་ཏུ་བདག་དེ་བཞིན།། ཡབ་གང་འཇིག་རྟེན་དག་ལ་དེ་འདྲར་བྱམས།། དེ་ནི་ནམས་ཀྱང་གཞན་གྱིས་གནོད་མི་འགྱུར།། ནམ་མཁས་དོགས་འཛིན་པར་མི
296b6 འགྱུར་ཅིང་། ། ལྷུན་པོ་ཡུངས་འབྲུའི་ནང་དུ་གནས་གྱུར་ཏམ།། རྒྱ་མཚོ་ཆེན་པོ་གནག་རྗེས་ཞུགས་གྱུར་ཀྱང་།། བདག་འཇོམས་བགྱིད་པར་རྔོ་ཐོག་མ་མཆིས་ཡབ། དེ་ནས་དུམ
296b7 ཟླ་མཆོག་གིས་ཚིགས་སུ་བཅད་པ་དེ་དག་སྨྲས་ནས་རང་གི་ཕ་མ་ལ་འདི་སྐད་ཅེས་སྨྲས་སོ། ། ཡབ་ཡུམ་དེའི་སླད་དུ། འདི་ལྟར་དེང་ནས་དགུང་བདུན་ན། བུ་མོ་ཟླ་མཆོག་ཕྱིར་འབྱུང་བར་འགྱུར་ཞིང་བྱུང་ནས
iiif viewer powered by OpenSeadragon
