| e-texts navigator |
| Wylie |
295a1 གདུགས་ཉིད་སྣང་། ། མཁའ་ལ་གནས་བཞིན་བདག་གིས་ཚིག་སྨྲས་པ།། བསྐལ་པ་ཆུ་རྡུལ་སྙེད་དུ་སྤྱད་བྱ་ཞིང་།། བྱང་ཆུབ་མཐོབ་བདག་ཕྱིར་མི་ལྡོག་གིས།། བདག་ནི་སངས་རྒྱས་རྐང་གཉིས
295a2 གཙོར་གྱུར་ཅིག། བདག་གི་སེང་གེའི་ང་རོ་དེ་ཐོས་ནས།། དེ་ཚེ་སྟོང་ཕྲག་བཅུ་གཉིས་ཚང་བ་ཡི།། ལྷ་མི་ལྷ་མིན་གནོད་སྦྱིན་སྲིན་པོ་རྣམས།། སངས་རྒྱས་བྱང་ཆུབ་མཆོག་ལ་ཡང་དག་ཞུགས།། ཐོས་ནས་སུམ་ཅུ་རྩ
295a3 གསུམ་ལྷར་སྐྱེས་ཤིང་། ། ལས་བཟང་བྱས་པ་ཆུད་ཟར་མ་གྱུར་པས།། དེ་ནས་ཤི་འཕོས་འཛམ་གླིང་འདིར་འོངས་ཀྱིས།། དེ་ཕྱིར་སྐྱེ་བོ་རྣམས་ཀྱིས་བསོད་ནམས་བྱོས།། གང་ཚེ་སུམ་ཅུ་རྩ་གསུམ་གནས་གྱུར་པ།།
295a4 དེ་ཚེ་བདག་གིས་རྒྱལ་བ་ཤཱཀ་ཐུབ་མཆོད།། བདག་ནི་འདོད་དང་ལོངས་སྤྱོད་ལུས་མི་གཉེར།། རྒྱལ་བ་ཡང་དང་ཡང་དུ་མཆོད་པར་བྱ།། བདག་གིས་བསོད་ནམས་རྣམ་སྨིན་དེ་མཐོང་ཞིང་།། ཉིན་གཅིག་འདྲ
295a5 བར་ཚེ་རབས་བརྒྱ་ཡང་དྲན། ། བདག་འདིར་སྐྱེས་པའི་དཔལ་ཡང་འདི་འདྲ་ན།། མཁས་པ་སུ་ཞིག་རྒྱལ་ལ་གུས་མི་སྐྱེད།། དེ་ནས་བུ་མོ་དེས་ཚིགས་སུ་བཅད་པ་དེ་དག་སྨྲས་ནས། ཅང་མི་ཟེར་བར་འདུག
295a6 པར་གྱུར་ཏོ། ། དེའི་སྔོན་གྱི་དགེ་བའི་རྩ་བའི་འབྲས་བུའི་རྒྱུ་འཐུན་པས་ལུས་ལ་ལྷའི་གོས་རིན་པོ་ཆེ་དག་གོན་བཞིན་དུ་བྱུང་བར་གྱུར་ནས། དེའི་ལུས་ལས་ཟླ་བ་ལས་ཤིན་ཏུ་ཁྱད་པར་དུ
295a7 འཕགས་པའི་འོད་གཟེར་གསེར་གྱི་མདོག་དུ་སྣང་བ་དག་ཀྱང་བྱུང་ངོ་། ། དེ་ནས་པ་མ་དག་གིས་དེའི་མིང་བླ་མཆོག་ཅེས་བྱ་བར་བཏགས་སོ།། དེ་ནས་བུ་མོ་ཟླ་མཆོག་དེ་སྐད་ཅིག་དང་ཐང་ཅིག་དང
iiif viewer powered by OpenSeadragon
