| e-texts navigator |
| Wylie |
293b1 དང་། ངན་སོང་སྤོང་དང་། རྡོ་རྗེའི་གནས་རྣམ་པར་གནོན་པ་དང་། འཇིག་རྟེན་གསུམ་གྱི་གནས་རྣམ་པར་གནོན་པ་དང་། མི་གཡོ་བའི་གནས་རྣམ་པར་གནོན་པ་དང་། མཐོང་བ་དོན་ཡོད་དང་། དཔལ
293b2 གྱི་སྙིང་པོ་དང་། པདྨའི་དཔལ་དང་། བགླང་སྤོས་ཀྱི་གླང་པོ་ཆེ་དང་། སྤོབས་པ་ཟབ་མོ་དང་། སྤོབས་པ་ཆེན་པོ་དང་། ཆོས་འཕགས་དང་། ཆོས་ཀྱི་རང་བཞིན་ཐེ་ཙོམ་མེད་གྱུར་དང་། སེང་གེའི་སྟབས་སུ
293b3 འགྲོ་བ་དང་། འཇིགས་པ་ཀུན་སེལ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། སེང་གེ་ཆེན་པོ་མངོན་པར་སྒྲོགས་པའི་སྒྲ་དང་། བརྗོད་མེད་དང་། སྤོབས་པ་བརྩེགས་པ་དང་། བྱང་ཆུབ་སེམས་དཔའ
293b4 སེམས་དཔའ་ཆེན་པོ་བྱམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་བརྒྱད་སྟོང་དང་ཡང་ཐབས་ཅིག་གོ།། དེ་ནས་བཅོམ་ལྡན་འདས་རྒྱལ་པོ་རྣམས་དང་། སྣ་ཆེན་པོ་ལ་གཏོགས་པ་རྣམས
293b5 དང་གྲོང་ཁྱེར་དང་། ལྗོངས་ཀྱི་མི་རྣམས་དང་། ཞབས་འབྲིང་གཉུག་མ་རྣམས་དང་། བྲམ་ཟེ་དང་། རྒྱལ་རིགས་དང་། ཁྱིམ་བདག་རྣམས་ཀྱིས་བཀུར་སྟིར་བྱས། བླ་མར་བྱས། རི་མོར་བྱས
293b6 མཆོད་པར་བྱས་ཏེ། ཡངས་པ་ཅན་གྱི་གྲོང་ཁྱེར་ཆེན་པོ་ན་ཚལ་ཆེན་པོའི་ཁང་པ་བརྩེགས་པའི་གནས་ན་བཞུགས་སོ།། དེའི་ཚེ་ཡངས་པ་ཅན་གྱི་གྲོང་ཁྱེར་ཆེན་པོ་ན་ལི་ཙ་བྱི་དྲི་མ་མེད་པར་གྲགས་པ་ཞེས
293b7 བྱ་བ་ཕྱུག་པ་ནོར་མང་བ། ལོངས་སྤྱོད་ཆེ་བ་ལོངས་སྤྱོད་མང་བ། མཛོད་དང་བང་བ་མང་ཞིག་གནས་ཏེ། དེ་ལ་ཆུང་མ་དྲི་མེད་མ་ཞེས་བྱ་བ་མཛེས་པ་བལྟ་ན་སྡུག་པ། ཁ་དོག་བཟང་པོ་རྒྱས
iiif viewer powered by OpenSeadragon
