| e-texts navigator |
| Wylie |
290a1 ཀྱི་ལམ་འདི་དག་སྦྱིན་པས་བརྒྱན་ན། འབྱོར་པ་ཆེན་པོར་འགྱུར་རོ།། དགེ་བ་བཅུའི་ལས་ཀྱི་ལམ་འདི་དག་ཉིད་ཚུལ་ཁྲིམས་ཀྱིས་བརྒྱན་ན།། སངས་རྒྱས་ཀྱི་ཆོས་བམ་ཅད་ཀྱི་དོན་ཏུ་སྨོམ
290a2 པ་ཡོངས་སུ་རྫོགས་པར་འགྱུར་རོ། ། དགེ་བ་བཅུའི་ལས་ཀྱི་ལམ་འདི་དག་ཉིད་བཟོད་པས་བརྒྱན་ན། མཚན་དང་། དཔེ་བྱད་བཟང་པོ་དང་། སངས་རྒྱས་ཀྱི་དབྱངས་ཡོངས་སུ་རྫོགས་པར་འགྱུར་རོ།།
290a3 དེ་བཞིན་དུ་སྦྱར་ཏེ། བརྩོན་འགྲུས་ཀྱིས་བརྒྱན་ན་བདུད་ཕྱིར་རྒོལ་བ་བཅོམ་པ་དང་། སངས་རྒྱས་ཀྱི་ཆོས་ཐམས་ཅད་རྫོགས་པར་འགྱུར་རོ།། བསམ་གཏན་གྱི་བརྒྱན་ན། དྲན་པ་དང་། བློ་གྲོས་དང་།
290a4 རྟོགས་པ་དང་། ངོ་ཚ་ཤེས་པ་དང་། དགའ་བ་ཡོངས་སུ་དག་པར་འགྱུར་རོ།། ཤེས་རབ་ཀྱིས་བརྒྱན་ན། ལྟ་བ་ངན་པ་ཐམས་ཅད་ཡང་དག་པར་འཇོམས་པར་འགྱུར་རོ།། བྱམས་པས་བརྒྱན་ན། སེམ
290a5 ཅན་ཐམས་ཅད་ལ་ཁོང་ཁྲོ་བ་མེད་པའི་སེམས་སུ་འགྱུར་རོ། ། སྙིང་རྗེས་བརྒྱན་ན། སེམས་ཅན་ཐམས་ཅད་ཡོངས་སུ་མི་གཏོང་བར་འགྱུར་རོ།། དགའ་བས་བརྒྱན་ན། ཞུམ་པ་མེད་པའི་སེམས་སུ་འགྱུར་རོ།།
290a6 བཏང་སྙོམས་ཀྱིས་བརྒྱན་ན། རྗེས་སུ་ཆགས་པ་དང་། ཁོང་ཁྲོ་བ་སྤོང་བར་འགྱུར་རོ།། བསྡུ་བའི་དངོས་པོས་བརྒྱན་ན། སེམས་ཅན་ཐམས་ཅད་ཡོངས་སུ་སྨིན་པར་བྱེད་པར་འགྱུར་རོ།། དྲན་པ་ཉེ
290a7 བར་གཞག་པས་བརྒྱན་ན། ལུས་དང་། ཚོར་བ་དང་། སེམས་དང་། ཆོས་ལ་མཁས་པར་འགྱུར་རོ།། ཡང་དག་པར་སྤོང་བས་བརྒྱན་ན། མི་དགེ་བའི་ཆོས་ཐམས་ཅད་སྤོང་བ་དང་། དག
iiif viewer powered by OpenSeadragon
