| e-texts navigator |
| Wylie |
289b1 སྦྱིན་པ་བྱིན་ན། ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས་པ་དང་། མཉམ་པར་འོས་པའི་ཚིག་ཏུ་འགྱུར། ཡིད་ཆེས་ངའི་ཚིག་དུ་འགྱུར་རོ།། བྱང་ཆུབ་སེམས་དཔའི་སྤྱད་པ་སྤྱོད་པ་ན། ཐེ་ཚོམ་ཐམས
289b2 ཅད་གཅོད་པ་ལ་མཁས་པར་འགྱུར་རོ། ། ཀླུའི་བདག་པོ་བརྣབ་སེམས་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན། ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས་པ་དང་། ལོངས་སྤྱོད
289b3 དང་ཡོངས་སུ་སྤྱོད་པ་རྒྱ་ཆེན་པོ་ལ་དེའི་སེམས་འགྲོ་བར་འགྱུར་རོ། ། བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་། རྒྱ་ཆེན་པོ་ལ་མོས་ཤིང་དབང་ཆེ་བར་གྲགས་པར་འགྱུར་རོ།། ཀླུའི་བདག་པོ་གནོད
289b4 སེམས་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན། ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས་པ་དང་། མཛེས་པ་དང་། སྐྱེ་བོ་མང་པོ་དགའ་ཞིང་ཡིད་དུ་འོང་བར་འགྱུར་རོ།།
289b5 བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་། ཐོགས་པ་མེད་པའི་བློ་དང་། ཐོགས་པ་མེད་པའོ་སེམས་དང་། དབང་པོ་མ་ཚང་བ་མེད་པར་འགྱུར་རོ།། ཀླུའི་བདག་པོ་ལོག་པར་ལྟ་བ་སྤངས་པའི་བྱང
289b6 ཆུབ་སེམས་དཔས་སྦྱིན་པ་བྱིན་ན། ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས་པ་དང་། སངས་རྒྱས་ལ་དད་ཅིང་ཡང་དག་པར་ལྟ་བའི་ཁྱིམ་དུ་སྐྱེའོ།། བྱང་ཆུབ་སེམས་དཔའི་སྤྱད་པ་སྤྱོད་པ་ན
289b7 ཡང་སངས་རྒྱས་ལ་ལྟ་བ་དང་། ཆོས་ཉན་པ་དང་། དགེ་འདུན་ལ་བསྙེན་བཀུར་བྱེད་པ་དང་། བྱང་ཆུབ་སེམས་བསྐྱེད་པ་དང་། མི་འབྲལ་བར་འགྱུར་རོ།། ཀླུའི་བདག་པོ་དེ་ལྟར་དགེ་བ་བཅུའི་ལས
iiif viewer powered by OpenSeadragon
