| e-texts navigator |
| Wylie |
283a1 བསྒྲུབས་པ་དང་། དཔལ་གྱིས་ལྷ་དང་མིར་བཅས་པའི་འཇིག་རྟེན་ཟིལ་གྱིས་མནན་ནས། མ་ཆགས་པར་བཞུགས་ཏེ། གང་ན་བརྒྱ་སྟོང་ཕྲག་བཅུ་ལ་དབང་སྒྱུར་བའི་ཚངས་པ་ཆེན་པོ་འདི
283a2 དག་མོག་མོག་པོར་གྱུར་ནས། དེ་བཞིན་གཤེགས་པའི་སྐུ་ལ་ལྟ་ནའང་མིག་ཟི་ཟི་བོར་གྱུར་པ་ལ་ལྟོས། ཀླུའི་བདག་པོ་བྱང་ཆུབ་སེམས་དཔའ་འདི་དག་གཟུགས་དང་། མཚན་དང་། ལུས་དང་། རྒྱན་རྣམས་ལ་ལྟོས། ཀླུའི
283a3 བདག་པོ་དེ་དག་ཐམས་ཅད་ནི་དགེ་བའི་ལས་མངོན་པར་འདུ་བྱ་བ་རྣམས་ཀྱིས་མངོན་པར་འདུས་བྱས་པ་བརྒྱན་པར་བསྒྲུབས་པའོ། ། ཀླུའི་བདག་པོ་ཁྱོད་ཀྱི་བཀོད་པ་འདི་ཡང་བསོད་ནམས་ཐམས་ཅད་ལས་བྱུང་བའོ།། ཀླུའི་བདག་པོ
283a4 བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡེ་ནི་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་འདི་དག་གི་བཀོད།
283a5 པ་གང་ཡིན་པ་དེ་དག་ཐམས་ཅད་ཀྱང་བསོད་ནམས་ལས་བྱུང་བའོ།། ཀླུའི་བདག་པོ་འདི་ན་གང་དག་ལས་སྣ་ཚོགས་གཟུགས་མི་སྡུག་ཅིང་དབྱིབས་མི་ལེགས་པ་དང་། དབྱིབས་ལེགས་པ་དང་། ལུས་རགས་ཤིང་ཆེ་བ་རྣམས་དང་།
283a6 གང་དག་ལུས་ཕྲ་ཞིང་ཆུང་བ་དེ་དག་ཐམས་ཅད་ཀྱང་། རང་རང་གི་སེམས་དང་ལུས་དང་ངག་དང་། ཡིད་ཀྱི་ལས་དགེ་བ་དང་། མི་དགེ་བ་སྣ་ཚོགས་སུ་བྱས་པས་སྣ་ཚོགས་སུ་གྱུར་པ་དག་གོ།། ཀླུའི་བདག་པོ་དེ་བས་ན་ལས་བདག་གིར་བྱ་བ
283a7 ལས་ཀྱི་བགོ་སྐལ་ལ་སྤྱོད་པ། ལས་ཀྱི་སྐྱེ་གནས་པ། ལས་ཀྱི་རྣམ་པར་སྨིན་པ་ལ་རྟོན་པར་བྱའོ།། ཞེས་ཀླུའི་བདག་པོ་ཁྱོད་ཀྱིས་དེ་ལྟར་སློབས་ཤིག་དང་། ལས་བདག་གིར་བྱ་བ་དང་། ལས་ཀྱི་བགོ་སྐལ་ལ་སྤྱོད་པ
iiif viewer powered by OpenSeadragon
