| e-texts navigator |
| Wylie |
282b1 མངོན་པར་འདུ་བྱེད་དེ། དེའི་འགྲོ་བ་ཡང་སྣ་ཚོགས་སུ་གྱུར་ཏོ།། ཀླུའི་བདག་པོ་འཁོར་འདི་དང་། རྒྱ་མཚོ་ཆེན་པོ་འཛིན་རྣམ་པ་སྣ་ཚོགས་ཇི་སྙེད་པ་དང་། གཟུགས་ཐ་མལ་པ་ཇི་སྙེད་སྣང་བ་ལ་ལྟོས། ཀླུའི་བར།
282b2 པོ་འདི་དག་ཐམས་ཅད་ནི་རང་རང་གི་སེམས་དང་། ལུས་དང་ངག་དང་། ཡིད་ཀྱི་ལས་དགེ་བ་དང་། མི་དགེ་བ་སྣ་ཚོགས་སུ་བྱས་པས། སྣ་ཚོགས་སུ་གྱུར་པ་དག་གོ།། སེམས་ནི་གཟུགས་མེད་པས། བསྟན་དུ་མེད
282b3 པ། གཟུང་དུ་མེད་པའོ།། ཀླུའི་བདག་པོ་འདི་ལྟར་ཆོས་ཐམས་ཅད་ནི་མ་བཅོས། མ་བསྒྲུབས་པར་གནས་པའི་མཚན་ཉིད་དེ། བདག་པོ་མེད་པ་བདག་གི་མེད་པ།། ཡོངས་སུ་འཛིན་པ་མེད་པའོ།། དེ་དག་ནི་ལས་ཇི
282b4 ལྟར་བསགས་པས། བསྒྲུབས་པ་སྣ་ཚོགས་སུ་བྱས་པ་དག་སྟེ། འདི་ལ་བྱེད་པ་པོ་གང་ཡང་མེད་དོ།། ཀླུའི་བདག་པོ་འདི་ལྟར་ཆོས་འདི་དག་ཐམས་ཅད་ནི་བསམ་གྱིས་མི་ཁྱབ་པ། སྒྱུ་མའི་མཚན་ཉིད་ཀྱི་ངོ་བོ་ཉིད་དོ།།
282b5 ཀླུའི་བདག་པོ་དེ་ལ་བྱང་ཆུབ་སེམས་དཔའ་མཁས་པས། ཆོས་ཐམས་ཅད་བསྒྲུབས་པས་གནས་པའི་མཚན་ཉིད་དུ་ཤེས་ནས། དགེ་བའི་ལས་མངོན་པར་འདུ་བྱ་བ་དག་མངོན་པར་འདུ་བྱའོ།། དེ་དགེ་བའི་ལས
282b6 མངོན་པར་འདུ་བྱ་བ་དག་མངོན་པར་འདུ་བྱེད་ན། བསྒྲུབས་པས་གནས་པའི་མཚན་ཉིད་ཀྱི་ཆོས་རྣམས་ཀྱི་ཕུང་པོ་དང་། ཁམས་དང་། སྐྱེ་མཆེད་གང་དགེ་མངོན་པར་འགྲུབ་པ་དེ་དག་མཛེས་ཤིང་བལྟ་ན
282b7 སྡུག་ལ་གཟུགས་བཟང་བ་དག་ཏུ་མངོན་པར་འགྲུབ་བོ། ། ཀླུའི་བདག་པོ་དེ་བཞིན་གཤེགས་པའི་སྐུ་བསོད་ནམས་བྱེ་བ་ཁྲག་ཁྲིག་བརྒྱ་སྟོང་ལས་སྐྱེས་པ། མཚན་རྣམས་ཀྱིས་ཇི་ལྟར་བརྒྱན་པ་དང་། ཇི་ལྟར
iiif viewer powered by OpenSeadragon
