| e-texts navigator |
| Wylie |
98a1 འབྱུང་བ་ལ་རྩེ་གཅིག་ཏུ་བྱ་བས། རྣམ་པར་གྲོལ་བའི་ཚུལ་སྟོན་པ་དང་། བྱང་ཆུབ་སེམས་དཔའ་རྣམས་ལ་ཕ་རོལ་ཏུ་ཕྱིན་པ་དྲུག་ལ་སྤྱད་པས། རྣམ་པར་གྲོལ་བའི་ཚུལ་སྟོན།
98a2 པའོ།། གཞན་ཡང་གསུམ་སྟེ། གཏོང་བ་དང་། གཏོང་བ་ཆེན་པོ་དང་། ཤིན་ཏུ་གཏོང་བའོ།། དེ་ལ་གཏོང་བ་ནི་རིན་པོ་ཆེ་ཐམས་ཅད་ཡོངས་སུ་གཏོང་བའོ།། གཏོང་བ་ཆེན་པོ་ནི་ཆུང་མ
98a3 དང་བུ་དང་། བུ་མོ་ཡོངས་སུ་གཏོང་བའོ།། ཤིན་ཏུ་གཏོང་བ་ནི་ལག་པ་དང་། རྐང་པ་དང་། མིག་དང་། མགོ་ཡོངས་སུ་གཏོང་བའོ།། གཞན་ཡང་གསུམ་སྟེ། དམ་པའི་ཆོས་ཡོངས
98a4 སུ་འཛིན་པ་དང་། ཆོས་སྨྲ་བ་ཡོངས་སུ་འཛིན་པ་དང་། ཐེག་པ་ཆེན་པོ་ཡོངས་སུ་འཛིན་པའོ།། གཞན་ཡང་གསུམ་སྟེ། འཁོར་བ་རྒྱུན་མི་གཅོད་པ་དང་། འཁོར་བའི་སྐྱོན་ཁོང་དུ་ཆུད་པ་དང་།
98a5 འཁོར་བའི་སྐྱོན་ཡོངས་སུ་སྤོང་བའོ།། གཞན་ཡང་གསུམ་སྟེ། སྒྲིབ་པ་དང་བྲལ་བའི་སེམས་ཀྱིས་ཆོས་ཉན་པ་དང་། ཀུན་ནས་ལྡང་བ་མེད་པའི་སེམས་ཀྱིས་ནང་དུ་ཡང་དག་འཇོག་པ་དང་། འབྱུང
98a6 བའི་སེམས་ཀྱིས་ཡང་དག་པར་བསྒྲུབ་པའོ། ། གཞན་ཡང་གསུམ་སྟེ། དོན་ལ་རྟོན་པའི་ཐོས་པ་དང་། ཡེ་ཤེས་ལ་རྟོན་པའི་སོ་སོར་རྟོག་པ་དང་། ཆོས་ལ་རྟོན་པའི་རྣམ་པར་གྲོལ་བའོ།། གཞན
98a7 ཡང་གསུམ་སྟེ། མང་དུ་ཐོས་ཏེ་དགོན་པ་ན་གནས་པ་དང་། དགོན་པ་ན་གནས་ཏེ་ཚུལ་བཞིན་ཡིད་ལ་བྱེད་པ་དང་། ཚུལ་བཞིན་ཡིད་ལ་བྱེད་པ་ལ་རབ་ཏུ་བརྩོན་ཏེ། ཆོས་ཐམས་ཅད་རྗེས་སུ་རྟོགས
iiif viewer powered by OpenSeadragon
