| e-texts navigator |
| Wylie |
90a1 སྤྲས་བྱེད་པའི་ཆོས་གཉིས་ཏེ། མཆོག་ཏུ་དགའ་བ་ཐོབ་པ་དང་། དགའ་བ་མྱོང་བའོ།། དཀའ་བ་བྱེད་པའི་ཆོས་གཉིས་ཏེ། རུང་བ་རྣམས་ལ་ཆོད་ཤེས་པ་དང་། བདག་ཤེས
90a2 པ་ལ་འཇུག་པའོ། ། གཅེས་སྤྲས་བྱེད་པའི་ཆོས་གཉིས་ཏེ། ལས་ཀྱི་རྣམ་པར་སྨིན་པ་ལ་ཡིད་ཆེས་པ་དང་། ལེགས་པར་བྱ་བའི་ལས་བྱེད་པའོ།། དཀའ་བ་བྱེད་པའི་ཆོས་གཉིས་ཏེ། ལས་མེད
90a3 ཅིང་རྣམ་པར་སྨིན་པ་མེད་པར་མོས་པ་དང་། དགེ་བའི་ཆོས་ཀྱང་རྟོན་པའོ།། གཅེས་སྤྲས་བྱེད་པའི་ཆོས་གཉིས་ཏེ། ཚིག་བདེན་པ་དང་། འཕགས་པའི་སྐྱེ་བོ་ལ་མི་སླུ་བའོ།། དཀའ་བ་བྱེད་པའི་ཆོས
90a4 གཉིས་ཏེ། ཇི་སྐད་སྨྲས་པ་དེ་བཞིན་བྱེད་པ་དང་། སངས་རྒྱས་ཀྱི་ཚུལ་མི་འཁྲུགས་པར་བྱེད་པའོ།། གཅེས་སྤྲས་བྱེད་པའི་ཆོས་གཉིས་ཏེ། ལུས་ཡོངས་སུ་དག་པ་དང་། མི་དགེ་བ་རྣམ་གསུམ་ཡོངས
90a5 སུ་སྤོང་བའོ། ། དཀའ་བ་བྱེད་པའི་ཆོས་གཉིས་ཏེ། ལུས་གཟུགས་བརྙན་ལྟ་བུ་དང་། རྩཝ་དང་། རྩིག་པ་དང་། ཤིང་ལྟ་བུར་སོ་སོར་རྟོག་པའོ།། གཅེས་སྤྲས་བྱེད་པའི་ཆོས་གཉིས་ཏེ། ངག་ཡོངས
90a6 སུ་དག་པ་དང་། ངག་གི་སྐྱོན་བཞི་ཡོངས་སུ་སྤོང་བའོ།། དཀའ་བ་བྱེད་པའི་ཆོས་གཉིས་ཏེ། ཆོས་བརྗོད་དུ་མེད་པར་ཁོང་དུ་ཆུད་པ་དང་། སྒྲ་ཐམས་ཅད་བྲག་ཆ་དང་མཚུངས་པར་ཤེས་པའོ།། གཅེས
90a7 སྔས་བྱེད་པའི་ཆོས་གཉིས་ཏེ། སེམས་ཡོངས་སུ་དག་པ་དང་། བརྣབ་སེམས་དང་། གནོད་སེམས་དང་། ལོག་པར་ལྟ་བ་ཡོངས་སུ་སྤོང་བའོ།། དཀའ་བ་བྱེད་པའི་ཆོས་གཉིས་ཏེ། ནང་ཉེ་བར་ཞི་བ
iiif viewer powered by OpenSeadragon
