| e-texts navigator |
| Wylie |
89b1 བསམ་གཏན་ལས་ལྡོག་པ་ཤེས་པ་དང་། འདོད་པའི་ཁམས་ལ་སྨོད་པའོ།། གཅེས་སྤྲས་བྱེད་པའི་ཆོས་གཉིས་ཏེ། ཆོས་དོན་ཏུ་གཉེར་བ་དང་། ཆོས་འདོད་པའོ།། དཀའ་བ་བྱེད་པའི་ཆོས
89b2 གཉིས་ཏེ། ཆོས་ལ་སོ་སོར་རྟོག་པ་དང་། ཆོས་ངེས་པར་སེམས་པའོ།། གཅེས་སྤྲས་བྱེད་པའི་ཆོས་གཉིས་ཏེ། དགེ་བའི་བཤེས་གཉེན་ལ་བསྟེན་པ་དང་། བླ་མ་ལ་གུས་པར་བརྟན་པའོ།།
89b3 དཀའ་བ་བྱེད་པའི་ཆོས་གཉིས་ཏེ། གུས་པ་དང་། དཀའ་བློ་བདེ་བའོ།། གཅེས་སྤྲས་བྱེད་པའི་ཆོས་གཉིས་ཏེ། དུས་དང་དུས་མ་ཡིན་པར་ཡོངས་སུ་འདྲི་བ་དང་། དོན་མྱོང་བར་བྱེད
89b4 པའོ། ། དཀའ་བ་བྱེད་པའི་ཆོས་གཉིས་ཏེ། དོན་ཤེས་པ་དང་། ཆོས་ཤེས་པའོ།། གཅེས་སྤྲས་བྱེད་པའི་ཆོས་གཉིས་ཏེ། ཐོས་པའི་ནོར་གྱི་མི་ངོམས་པ་དང་། ཐོས་པའི་ཤེས་རབ་ཀྱིས
89b5 ངོམས་མི་མྱོང་བའོ། ། དཀའ་བ་བྱེད་པའི་ཆོས་གཉིས་ཏེ། ཚུལ་བཞིན་དུ་ཆོས་ལ་སོ་སོར་རྟོག་པ་དང་། ཚུལ་བཞིན་མ་ཡིན་པའི་ཆོས་རྣམ་པར་སྤོང་བའོ།། གཅེས་སྤྲས་བྱེད་པའི་ཆོས་གཉིས་ཏེ།
89b6 ཆོས་སྟོན་པ་དང་། ཆོས་ཉན་པ་རྣམས་ལ་སྙིང་རྗེ་བའོ།། དཀའ་བ་བྱེད་པའི་ཆོས་གཉིས་ཏེ། སློབ་དཔོན་དཔེ་མཁྱུད་མེད་པ་དང་། ཟང་ཟིང་མེད་པའི་སེམས་ཀྱིས་ཆོས་སྟོན་པའོ།། གཅེས་སྤྲས་བྱེད
89b7 པའི་ཆོས་གཉིས་ཏེ། རྣ་བ་བྲགས་ཏེ་ཉན་པ་དང་། ཐམས་ཅད་དུ་སེམས་ཀྱིས་སེམས་པའོ།། དཀའ་བ་བྱེད་པའི་ཆོས་གཉིས་ཏེ། སྒྲིབ་པ་སེལ་བ་དང་། བྱང་ཆུབ་ཀྱི་ཡན་ལག་སྒོམ་པའོ།། གཅས
iiif viewer powered by OpenSeadragon
