| e-texts navigator |
| Wylie |
86b1 པའི་སེམས་ཀྱིས་སྦྱིན་པ་འགྱེད་པའོ།། གཞན་ཡང་ཆོས་གཅིག་སྟེ། བདུད་ཀྱི་ལས་རྣམས་རྟོགས་ནས་ཡོངས་སུ་སྤོང་བའོ།། གཞན་ཡང་ཆོས་གཅིག་སྟེ། ང་རྒྱལ་དང་བྲལ་བའི་ཡེ་ཤེས་ཀྱི་ལགས་སོ།།
86b2 གཞན་ཡང་ཆོས་གཅིག་སྟེ། ཤེས་ཀྱི་ཁེ་དང་བྲལ་བར་དགོན་པ་ན་གནས་པའོ།། གཞན་ཡང་ཆོས་གཅིག་སྟེ། ལྷག་པའི་ང་རྒྱལ་དང་བྲལ་ཞིང་བདག་ལ་མི་སྟོང། གཞན་ལ་མི་སྨོད་པའོ།། གཞན་ཡང
86b3 ཆོས་གཅིག་སྟེ། ཉོན་མོངས་པ་དང་བྲལ་ཞིང་། འཇིག་རྟེན་གྱི་རྗེས་སུ་འཐུན་པའོ།། གཞན་ཡང་ཆོས་གཅིག་སྟེ། འཚོ་བ་ཡོངས་སུ་དག་སྟེ། དབེན་པ་ལ་དགའ་བའོ།། གཞན་ཡང་ཆོས་གཅིག་སྟེ།
86b4 ཚུལ་བཞིན་ལ་བརྩོན་པས་ནང་དུ་ཡང་དག་འཇོག་པའོ།། གཞན་ཡང་ཆོས་གཅིག་སྟེ། མང་དུ་ཐོས་ནས་སེམས་ངེས་པར་སེམས་པའོ།། གཞན་ཡང་ཆོས་གཅིག་སྟེ། ཡང་དག་པར་རབ་ཏུ་བརྩོན་པའོ།།
86b5 རྣལ་འབྱོར་སྤྱོད་པའི་སའོ།། གཞན་ཡང་ཆོས་གཅིག་སྟེ། སྟོང་པ་ཉིད་ཀྱི་སྤྱོད་ཡུལ་གྱི་ཆོས་ལ་སོ་སོར་རྟོག་པའོ།། གཞན་ཡང་ཆོས་གཅིག་སྟེ། རྙེད་པ་དང་མ་རྙེད་པས་ཁེངས་པ་མེད་ཅིང་གདུང་བ
86b6 མེད་པའོ། ། གཞན་ཡང་ཆོས་གཅིག་སྟེ། འདུ་འཛིས་འཇིགས་ཤིང་སྐྲག་ནས་གཅིག་པུ་དགའ་བའོ།། གཞན་ཡང་ཆོས་གཅིག་སྟེ། ཆོས་ཀྱི་རྙེད་པ་གཞན་དག་དང་ཀུན་ཏུ་འགྱེད་པའོ།། གཞན
86b7 ཡང་ཆོས་གཅིག་སྟེ། འཕགས་པའི་བདེན་པ་ཤེས་པ་ལ་མཁས་པའོ།། གཞན་ཡང་ཆོས་གཅིག་སྟེ། ཤེས་པ་ཐམས་ཅད་ལ་སློབ་དཔོན་དཔེ་མཁྱུད་མེད་པའོ།། གཞན་ཡང་ཆོས་གཅིག་སྟེ
iiif viewer powered by OpenSeadragon
