| e-texts navigator |
| Wylie |
86a1 དགེ་བའི་རྩ་བ་ཡོངས་སུ་སྦྱང་བ་ཡོངས་སུ་དག་ནས། འཁོར་བ་ན་ཡོངས་སུ་མི་ཟློ་བའོ།། གཞན་ཡང་ཆོས་གཅིག་སྟེ། དེ་བཞིན་གཤེགས་པ་བཞུགས་པ་རྣམས་སམ། ཡོངས
86a2 སུ་མྱ་ངན་ལས་འདས་པ་རྣམས་ལ་མཆོད་པ་བྱེད་པས་མི་ངོམས་པའོ། ། གཞན་ཡང་ཆོས་གཅིག་སྟེ། སེམས་ཅན་ཐམས་ཅད་ཀྱིས་གསོལ་བ་མ་བཏབ་པར་བཤེས་གཉེན་བྱའོ།། གཞན་ཡང་ཆོས
86a3 གཅིག་སྟེ། དངོས་པོ་ཐམས་ཅད་ལ་མི་གནས་ཤིང་། ཡོངས་སུ་མི་འཛིན་མི་ཆགས་པའོ།། གཞན་ཡང་ཆོས་གཅིག་སྟེ། ཁྱིམ་ན་གནས་པའི་སྐྱོན་རིག་ནས་རྟག་པར་རྒྱུན་ཏུ་རབ་ཏུ་འབྱུང་བ་ལ་གཞོལ
86a4 བའོ། ། གཞན་ཡང་ཆོས་གཅིག་སྟེ། སྐྱེས་བུ་དམ་པའི་ལས་རྣམས་ལ་ཞུགས་པའོ།། གཞན་ཡང་ཆོས་གཅིག་སྟེ། ངེས་པར་བྱ་བ་ལ་ཞུགས་པའི་བྱང་ཆུབ་ཀྱི་ལམ་གྱི་ཚོགས་སོགས་པའོ།། གཞན
86a5 ཡང་ཆོས་གཅིག་སྟེ། ཐེག་པ་ཆེན་པོ་མཚུངས་པར་ཡང་དག་པར་ཞུགས་པ་རྣམས་ལ་ཞེ་མི་སྡང་བའོ།། གཞན་ཡང་ཆོས་གཅིག་སྟེ། བྱང་ཆུབ་ཀྱི་སེམས་ཡང་དག་པར་འཛིན་ཏུ་ཞུགས་པ་ལ་ཡོངས་སུ་མི
86a6 སྐྱོ་བའོ། ། གཞན་ཡང་ཆོས་གཅིག་སྟེ། གསང་བའི་སྔགས་རྣམས་ཀུན་ཏུ་སྲུང་བས་རྣམ་པར་འཕྲོས་པར་མི་བྱེད་པའོ།། གཞན་ཡང་ཆོས་གཅིག་སྟེ། ཆོས་དང་བཟོ་ཡོངས་སུ་བཙལ་བ་ཤེས་པའོ།།
86a7 གཞན་ཡང་ཆོས་གཅིག་སྟེ། བདེན་པའི་ངག་ལ་རབ་ཏུ་གནས་པས་ཆོས་མཐོང་བའོ།། གཞན་ཡང་ཆོས་གཅིག་སྟེ། ཁ་འོག་ཏུ་ལུས་འཁྲུས་པར་བྱེད་པའོ།། གཞན་ཡང་ཆོས་གཅིག་སྟེ། འགྱོད་པ་མེད།
iiif viewer powered by OpenSeadragon
