| e-texts navigator |
| Wylie |
85b1 གཅིག་སྟེ། དཀོན་མཆོག་གསུམ་གྱི་རིགས་མི་གཅོད་པའོ།། གཞན་ཡང་ཆོས་གཅིག་སྟེ། མི་རྐམ་ཞིང་ངན་ངོན་གྱིས་ཆོག་ཤེས་པའོ།། གཞན་ཡང་ཆོས་གཅིག་སྟེ། བདོག་པ་ཐམས།།
85b2 ཅད་ཡོངས་སུ་གཏོང་བ་ལ་ཞུམ་པ་མེད་པའོ།། གཞན་ཡང་ཆོས་གཅིག་སྟེ། རང་གི་ཚུལ་ཁྲིམས་ཀྱིས་ཚུལ་ཁྲིམས་འཆལ་པའི་སེམས་ཅན་ཡོངས་སུ་སྨིན་པར་བྱེད་པའོ།། གཞན་ཡང་ཆོས
85b3 གཅིག་སྟེ། ཉེས་པར་བྱས་པ་ལ་ཤར་མི་གཉེར་བའི་བཟོད་པའོ།། གཞན་ཡང་ཆོས་གཅིག་སྟེ། ལེགས་པར་བྱས་པ་ལ་ལན་གླན་པའི་བློའོ།། གཞན་ཡང་ཆོས་གཅིག་སྟེ། བྱས་པ་མི་གཟོ་བ
85b4 རྣམས་ལ་སྙིང་རྗེ་བའི་བློའོ། ། གཞན་ཡང་ཆོས་གཅིག་སྟེ། བྱས་པ་གཟོ་བ་རྣམས་ལ་རིམ་གྲོ་བྱ་བའི་བློའོ།། གཞན་ཡང་ཆོས་གཅིག་སྟེ། མི་ཤེས་པ་རྣམས་ལ་ང་རྒྱལ་མེད་པའོ།། གཞན་ཡང
85b5 ཆོས་གཅིག་སྟེ། ཤེས་པ་རྣམས་ཀྱིས་རྗེས་སུ་སློབ་པའོ།། གཞན་ཡང་ཆོས་གཅིག་སྟེ། དགེ་བའི་རྩ་བ་ལ་ལྷག་པའི་བསམ་པའི་སེམས་མི་འདོར་བའོ།། གཞན་ཡང་ཆོས་གཅིག་སྟེ། མི་དགེ
85b6 བའི་སེམས་ཀྱི་རྗེས་སུ་མི་འཇུག་པའོ། ། གཞན་ཡང་ཆོས་གཅིག་དེ། ཚུལ་འཆོས་པ་མེད་ཅིང་ཁ་གསག་མེད་པས་སྨོས་པ་གསུམ་ཡོངས་སུ་དག་པའོ།། གཞན་ཡང་ཆོས་གཅིག་སྟེ། ཆོས་སྨྲ་བ
85b7 རྣམས་ལ་སྟོན་པ་དང་བླ་མ་ལྟར་འཕངས་པར་རིམ་གྲོ་བྱེད་པའོ། ། གཞན་ཡང་ཆོས་གཅིག་སྟེ། འཇིག་རྟེན་རྒྱང་ཕན་པ་དང་མ་འདྲེས་པ་ལེགས་པར་ཐོས་པའི་ཆོས་ཉན་པའོ།། གཞན་ཡང་ཆོས་གཅིག་སྟེ།
iiif viewer powered by OpenSeadragon
