| e-texts navigator |
| Wylie |
84b1 པའི་ཆོས་རྣམས་ནི་གང་ལགས། ཐེག་པ་ཆེན་པོ་རྟེན་པར་འགྱུར་བའི་ཆོས་རྣམས་ནི་གང་ལགས། བཅོམ་ལྡན་འདས་ཐེག་པ་ཆེན་པོའི་བར་ཆད་དུ་འགྱུར་བའི་ཆོས་རྣམས་ནི་གང་ལགས། བཅོམ་ལྡན་འདས།
84b2 ཅིའི་སླད་དུ་ཐེག་པ་ཆེན་པོ་ལ་ཐེག་པ་ཆེན་པོ་ཞེས་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་བློ་གྲོས་རྒྱ་མཚོ་ལ་འདི་སྐད་ཅེས་བཀའ་སྩལ
84b3 ཏོ། ། བློ་གྲོས་རྒྱ་མཚོ་དེའི་ཕྱིར་ཉོན་ཅིག་དང་། བསྟན་པར་བྱའོ།། བློ་གྲོས་རྒྱ་མཚོ་ཐེག་པ་ཆེན་པོ་སྡུད་པར་འགྱུར་བའི་ཆོས་གཅིག་སྟེ། ཆོས་གཅིག་པོ་གང་ཞེས་ན། འདི་ལྟ་སྟེ། བྱང་ཆུབ་ཏུ
84b4 སེམས་བརྗེད་པར་མི་བྱེད་ཅིང་བག་ཡོད་པ་སྟེ། བློ་གྲོས་རྒྱ་མཚོ་འདི་ནི་ཐེག་པ་ཆེན་པོ་སྡུད་པར་འགྱུར་བའི་ཆོས་གཅིག་གོ།། བློ་གྲོས་རྒྱ་མཚོ་གཞན་ཡང་ཐེག་པ་ཆེན་པོ་སྡུད་པར་འགྱུར་བའི་ཆོས་གཅིག
84b5 སྟེ། ཆོས་གཅིག་པོ་གང་ཞེ་ན། འདི་ལྟ་སྟེ། བྱ་བར་འཇུག་པ་ལ་ཞུགས་ཤིང་རྣམ་པར་སྨིན་པ་ལ་ཡིད་ཆེས་པའོ།། གཞན་ཡང་ཆོས་གཅིག་སྟེ། འདི་ལྟ་སྟེ། རྟེན་པའི་ཆོས་དང་མི་འགའ
84b6 བར་ཡང་དག་པའི་ལྟ་བའོ། ། གཞན་ཡང་ཆོས་གཅིག་སྟེ། སྡུག་པ་དང་མི་སྡུག་པ་བསལ་ཏེ། སེམས་ཅན་ཐམས་ཅད་ལ་སེམས་མཉམ་པ་ཉིད་དོ།། གཞན་ཡང་ཆོས་གཅིག་སྟེ། ཐམས་ཅད
84b7 བསྐྱབ་པ་དང་ལྡན་པའི་བྱམས་པ་ཆེན་པོའོ། ། གཞན་ཡང་ཆོས་གཅིག་སྟེ། བདག་བདེ་བ་ལ་མི་ཆགས་པའི་སྙིང་རྗེ་ཆེན་པོའོ།། གཞན་ཡང་ཆོས་གཅིག་སྟེ། སངས་རྒྱས་ཀྱི་སྐུ་འདོད་པའི
iiif viewer powered by OpenSeadragon
