| e-texts navigator |
| Wylie |
81b1 ། མི་ནུས་ཏེ། བཅོམ་ལྡན་འདས་བདག་གིས་སེམས་ཅན་གྱི་དབང་པོ་དང་། སྤྱོད་པ་ཤེས་པ་ལ་ཞུགས་ལ་དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་བཀོད་པའི་རྒྱལ་པོས
81b2 གསོལ་པ། བཅོམ་ལྡན་འདས་ཆོས་ལ་ཡོངས་སུ་རྟོག་པའི་འདུ་ཤེས་དང་ལྡན་པས། བདག་དང་། སེམས་ཅན་དང་། ཆོས་ལ་གནས་པས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོམ
81b3 ལྡན་འདས་བདག་གིས་རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་ཐམས་ཅད་དང་བྲལ་ཞིང་། འཁོར་གསུམ་ཡོངས་སུ་དག་ལ། བདག་དང་། སེམས་ཅན་དང་། ཆོས་ལ་མི་གནས་པར
81b4 བགྱིད་ཅིང་། བཅོམ་ལྡན་འདས་ཀྱི་དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་སེང་གེའི་རྟོག་གིས་གསོལ་པ། བཅོམ་ལྡན་འདས་འཇིག་རྟེན་འདི་ནི། འདི་ལྟ་སྟེ། ཆོས
81b5 ཐམས་ཅད་མ་སྐྱེས་པ་དང་། མ་བྱུང་བ་ལ་སྐྲག་པའོ།། བཅོམ་ལྡན་འདས་བདག་གིས་ནི། ཆོས་ཐམས་ཅད་མ་སྐྱེས་པ་དང་། མ་བྱུང་བར་འཚལ་ནས། སྐྲག་པ་མ་མཆིས། ཀུན་ཏུ་སྐྲག་པ་མ་མཆིས
81b6 ཤིང་ཆོས་གང་ལ་ཡང་ཉེ་བའམ། རིང་བར་མི་གནས་པར་བཅོམ་ལྡན་འདས་ཀྱི་དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་བྱམས་པས་གསོལ་པ། བཅོམ་ལྡན་འདས
81b7 བྱང་ཆུབ་ལ་རིང་བའི་འདུ་ཤེས་ཅན་གྱིས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོམ་ལྡན་འདས་བྱང་ཆུབ་སེམས་དཔའ་གང་འདི་སྙམ་དུ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ
iiif viewer powered by OpenSeadragon
