| e-texts navigator |
| Wylie |
80a1 བཅོམ་ལྡན་འདས་ཉོན་མོངས་པ་རྣམས་ཀྱིས་ཟིལ་གྱིས་གནོན་པས། དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོམ་ལྡན་འདས་བདག་གིས་འཕགས་པའི་ཤེས་རབ
80a2 དང་ཡེ་ཤེས་ཀྱི་ཉོན་མོངས་པ་ཐམས་ཅད་ཟིལ་གྱིས་མནན་ཏེ། དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་སྒྲོན་མ་འཛིན་གྱིས་གསོལ་པ། བཅོམ་ལྡན་འདས་གཏི
80a3 མུག་གི་མུན་པའི་སྤྱོད་ཡུལ་གྱིས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོམ་ལྡན་འདས་བདག་གིས་ཆགས་པ་མ་མཆིས་པའི་ཡེ་ཤེས་ཀྱི་སྣང་བ་ཐོབ་པར་གྱིས་ལ། ཆོས་ཐམས་ཅད་ལ་གཏི
80a4 མུག་གི་མུན་པ་དང་བྲལ་བར་བགྱིས་ཏེ། དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་ཀློག་ལྷས་གསོལ་པ། བཅོམ་ལྡན་འདས་གཞན་ལ་རག་ལས་པའི་ཡེ་ཤེས་ཀྱི་དམ་པའི
80a5 ཆོས་ཡོངས་སུ་གཟུང་བར་མི་ནུས་ཏེ། བཅོམ་ལྡན་འདས་བདག་གིས་ཆོས་ཐམས་ཅད་ལ་གཞན་གྱི་དྲིང་མི་འཇོག་པར་མངོན་སུམ་གྱི་ཡེ་ཤེས་ཐོབ་པར་བགྱིས་ལ། དམ་པའི་ཆོས་ཡོངས་སུ་གཟུང་བར
80a6 བགྱིའོ། ། བྱང་ཆུབ་སེམས་དཔའ་ཀུན་ཏུ་སྦས་ཀྱིས་གསོལ་པ། བཅོམ་ལྡན་འདས་དབང་པོ་ཕལ་བ་དང་། འཁྲུལ་པའི་སེམས་ཀྱིས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། བཅོམ་ལྡན་འདས
80a7 བདག་གིས་དབང་པོ་ཐམས་ཅད་དང་། སྒོ་དང་། སྐྱེ་མཆེད་ཐམས་ཅད་ཤིན་ཏུ་སྦས་ཤིང་ཤིན་ཏུ་བཏུལ་ལ། དམ་པའི་ཆོས་ཡོངས་སུ་གཟུང་བར་བགྱིའོ།། བྱང་ཆུབ་སེམས་དཔའ་འོད་དྲིམ
iiif viewer powered by OpenSeadragon
