| e-texts navigator |
| Wylie |
75b1 མལ་ཆ་དང་། ན་བའི་གསོས་སྨན་དང་། ཡོ་བྱད་སྦྱིན་པ་དང་། ལེགས་སོ་ཞེས་བྱ་བ་སྦྱིན་པ་དང་། རྗེ་བོ་ལྟར་ཀུན་ཏུ་སྲུང་བ་དང་། དགེ་བ་ཀུན་ཏུ་སྲུང་བ་དང་། བསྔགས་པ་རྗོད་པ་དང་། མི་སྙན
75b2 པ་འཆབ་པ་འདི་ཡང་དམ་པའི་ཆོས་ཡོངས་སུ་འཛིན་པའོ། ། རིགས་ཀྱི་བུ་གཞན་ཡང་གང་སྟོང་པ་ཉིད་ལ་མོས་པ་དང་། མཚན་མ་མེད་པ་ལ་ཡིད་ཆེས་པ་དང་། སྨོན་པ་མེད་པ་ལ་སོམ་ཉི་མེད་པ
75b3 དང་མངོན་པར་འདུ་བྱ་བ་མེད་པ་ལ་ཁོ་ན་ཉིད་དུ་ངེས་པར་སེམས་པ་འདི་ཡང་དམ་པའི་ཆོས་ཡོངས་སུ་འཛིན་པའོ། ། རིགས་ཀྱི་བུ་གཞན་ཡང་རྩོད་པ་མེད་པ་ལྷུར་ལེན་པ་དང་། ཆོས་མ་ཡིན་པས
75b4 རྩོད་པ་རྣམས་ཆོས་དང་འཐུན་པར་ཚར་གཅོད་པ་འདི་ཡང་དམ་པའི་ཆོས་ཡོངས་སུ་འཛིན་པའོ། ། རིགས་ཀྱི་བུ་གཞན་ཡང་ཞེ་སྡང་མེད་པའི་རྒྱུ་དང་། སེམས་ཅན་བསྡུ་བ་དང་། རབ་ཏུ་ཐར་པར
75b5 བྱ་བའི་བློ་དང་། ཟང་ཟིང་མེད་པའི་སེམས་ཀྱིས་གཞན་དག་ལ་ཆོས་སྦྱིན་པ་འདི་ཡང་དམ་ཆོས་ཡོངས་སུ་འཛིན་པའོ།། རིགས་ཀྱི་བུ་གཞན་ཡང་ལུས་དང་སྲོག་འདོར་ཞིང་། མདོ་སྡེ་འདི་ལྟ་བུ
75b6 འདི་དག་ཀུན་ཏུ་སྲུང་བ་དང་། སྦེང་བ་དང་། སྒྲུབ་པར་དགོན་པ་ན་གནས་པ་འདི་ཡང་དམ་པའི་ཆོས་ཡོངས་སུ་འཛིན་པའོ།། རིགས་ཀྱི་བུ་གཞན་ཡང་གང་ཆོས་མཉན་པའི་རྒྱུ་ལས་བྱུང
75b7 བའམ། ཆོས་བསྟན་པའི་རྒྱ་ལས་བྱུང་བས། བྲན་གོམ་པ་གཅིག་འདོར་རམ། ཐན་དབུགས་འབྱིན་པ་འམ། རྔུབ་པ་གཅིག་ཀྱང་རུང་།། འདི་ཡང་དམ་པའི་ཆོས་ཡོངས་སུ་འཛིན་པ།
iiif viewer powered by OpenSeadragon
