| e-texts navigator |
| Wylie |
74a1 དམ་པའི་ཆོས་འཛིན་པ། དེ་ལ་བདུད་ཀྱི་སྐྱོན་ཆགས་རྙེད་མི་འགྱུར།། དེ་ལ་འགྱོད་དང་དེ་བཞིན་དོགས་པ་མེད།། དེ་ལ་བཅིངས་མེད་སྒྲིབ་པ་ཅུང་ཟད་མེད།། དེ་བཞིན་གཤེགས
74a2 པའི་དམ་པའི་ཆོས་འཛིན་པ། ། ཞིང་སྟོང་དག་ཏུ་ནམ་ཡང་མི་སྐྱེ་སྟེ།། སྐྱེ་བ་ཀུན་ཏུ་དེ་ནི་རྒྱལ་བ་མཐོང་།། མཐོང་ནས་དེ་ལ་དད་པ་རབ་ཏུ་འཐོབ།། དེ་བཞིན་གཤེགས་པའི་དམ་པའི་ཆོས་འཛིན་པ
74a3 ཆོས་ཀྱི་བདག་ཉིད་ཆེན་པོ་སྐྱེ་དྲན་འགྱུར། ། ཡང་དང་ཡང་དུ་རབ་ཏུ་འབྱུང་བ་འཐོབ།། སྤྱོད་པ་ཡོངས་དག་སྒྲུབ་པ་སྙིང་པོར་བྱེད།། དེ་བཞིན་གཤེགས་པའི་དམ་པའི་ཆོས་འཛིན་པ།། ཚུལ་ཁྲིམས།།
74a4 ཐོས་པས་འཕགས་པ་ཆོས་སྤྱོད་པ།། མཁས་པ་མངོན་ཤེས་ལྔ་ལ་མྱུར་དུ་རེག། མ་སྨད་བསམ་གཏན་རྣམ་པར་ཐར་པ་ཐོབ།། དེ་བཞིན་གཤེགས་པའི་དམ་པའི་ཆོས་འཛིན་པ།། དེ་ནི་ཟབ་ཆོས
74a5 རྟོགས་པར་ཁོང་དུ་ཆུད། ། སངས་རྒྱས་སྤྱོད་ཡུལ་སྟོང་ཉིད་ཐེ་ཙོམ་མེད།། སེམས་ཅན་བདག་མེད་པར་ཡང་མོས་པར་འགྱུར།། དེ་བཞིན་གཤེགས་པའི་དམ་པའི་ཆོས་འཛིན་པ།། དེ་ནི་སོ་སོ་ཡང
74a6 དག་རིག་པ་འཐོབ། ། འཇིགས་མེད་ཤེས་རབ་རྣོ་ཞིང་ཆགས་མེད་དག། དེ་ནི་སྲོག་ཆགས་ཀུན་གྱི་ཐེ་ཙོམ་གཅོད།། དེ་བཞིན་གཤེགས་པའི་དམ་པའི་ཆོས་འཛིན་པ།། མཁས་པ་དེ་ནི་གཟུགས
74a7 རྣམས་འཐོབ་པར་འགྱུར། ། བསྐལ་པ་བརྒྱར་ཡང་གང་ཐོས་ཆུད་མི་ཟ།། སྤོབས་དང་ལྡན་ཞིང་ཆགས་པ་མེད་པར་འགྱུར།། དེ་བཞིན་གཤེགས་པའི་དམ་པའི་ཆོས་འཛིན་པ།། དེ་ལ་མཁས་པ
iiif viewer powered by OpenSeadragon
